الايسر ::- اسامه وصلنه المستشفى خويه بس اهدئ كلشي ما بيك...
واسامه بالكوه ينطق
اسامه ::- أيسر ديربالك عله أساطير خليها بعيونك...
صاح أيسر بعصبيه
::- انجب بله كلشي مابيك جنك صل هسه تكوم تعارك ديلا....
ابتسم اسامه وصارت شهكه بصدره وبعدها ما حرك ساكنا....
الايسر....
جنت كاعد بالمختبر عندي شغل دك تلفوني اسامه جاوبته اشوف طلباته لو يريد ببسي لو علاج لو شيريد طلباته المعتاده بس انصدمت من كلام أساطير اتذكرت كلام اسامه قبل كم يوم
جنه كاعدين نتابع تلفزيون صادف يوم خميس واثنينه معطلين..جاب كلاصين وصبلنه ببسي
اسامه ::- اشرب اشرب بعدك عايش بعز اخوك...
هزيت أيدي وكلت
الايسر ::- اممم مو يوميه حضرتك تريد ببسي واجيبلك اشو بس اليوم انته جبت وذليتني مذله...
يحجي رافعلي حاجبه...
اسامه ::- اشرب وانجب بله...
الايسر ::- خلف الله عليك انطيني...
انطاني الكلاص وكال بجديه...
اسامه ::- ابو جرح اريد اكلك شي
عاينتله بطرف عيني وكلت
الايسر ::- عدتك مرتك؟ ديلا كول
كعد عدل وتحمحم وكال
اسامه ::- الايسر سويتلك وكاله ع البيت والسياره وكلشي بعد انته أعز من اخ..
شركت الببسي طلع من خشمي...
انطاني مي
الايسر ::- عودد ليش؟
تنهد وحجه بتوتر
اسامه ::- الايسر اني استلمت قضيه لإحدى أكبر العصابات تجاره اسلحه ومخدرات وواحد منهم انسجن مؤبد وجاي توصلني هواي تهديدات... ومو اي عصابه لا عصابه خطره ف ع اي ساعه يلكطوني اموت... ولا شخص سلم منهم...
صحت بعصبيه
الايسر ::- عندي عشر اخوان وانته الحادي عشر.. ومتعاجز منككك ليش تسوي هيجه اسامه لا تخبلني!
كام وحضني حيل وكال بهدوء
اسامه ::- ابو اسامه تتذكر وعدنه..
بادلته الحضن وكلت
::- وشلون انسه ابو أيسر
ضحك وضربني ع ضهري بقوه صحت بي
الايسر ::- حيوااان مو ظهري يوجعني خررررب...
اسامه ::- الايسر توعدني...
عكدت حاجبي وكلت ::- بشنو
اسامه ::- تبقه ابو اسامه اول اطفالك تسمي اسامه واذا متت مرتي تخليها بعيونك وما تخليها تحس بفرق تصير مثل الاجود...
عاينتله بطرف عيني
الايسر ::- تمام يالمطي بس لا تنسه العار ميموت وانته تبقه
غمني وضحك بس القلق مبين عله ملامحه انقطعت دوامه أفكاري عله شهكه أساطير..
ايد اسامه رخت من ايدي وأساطير حاطه ايدها عله عيونه مغمضتهم وتشهك كل حيلها والمكان تدمر هلكد ما نزف اسامه...
وصلنه للمستشفى احس رجليه بادن اجه حسان الجان يسوق سحبه من حضن أساطير ونزلنه نركض مدمرين من اسامه..
نزلنه للطوارئ بسرعه ودخلوا عمليات بي نفس دخلوا عمليات اقل الربع ساعه حاط أيدي عله راسي والهم والقلق اخذ ثلثين الحيل وأساطير انهارت بالبجي، طبوا اخوانها مفزوعين...
والمستشفى مكلوب كلاب قوات امنيه...
ساعه واخذنه الضربه القاضيه للكل وياريتهم ما كالوها ولا شايفين هليوم الاكشر..
أساطير بحضن تميم وسامر بالكاع دموعها تتسابق واني وازهر ساكتين بس عيونه تحجي كميه الخوف والقلق....
طلع الطبيب وكال
الطبيب ::- منو ويه اسامه؟
كمنه عليه بسرعه اني وازهر ننتظر بس حرف واحد يهدأنه
::- البقيه بحياتكم.. المريض توفه
يتبع....
يمههههه اسامتنه الله يرحمه شكد بجيت عليه يا الله....
انتظروا الأحداث القادمه حياه اسطوره مراح توكف لهنا وبس وراها كومه مشاكل وعقبات ودموع وضحكات مايحتاج احجي انتو راح تعرفون
YOU ARE READING
الأيسر "سلاسل الاحرار" (الاصليه)
ChickLitبين طيات الزمان ومرور الايام نعيش حبا عقيم بحياه من جحيم ضحايا لثأر قديم سيسقون من حميم لافعالهم الشنعاء وقتلهم للابرياء لسلاسله سيكونون سجناء...! واسرى لجهنم الحمراء.. عذاب، دمار، مرضاً وافتقار حرمان حزن وانكسار بين حرب جبابره و وحوش تظهر زهره بيضا...
السلسله التاسعه
Start from the beginning
