الـرقطاء وكراتها الثلاث

اللـدغة الحادية والأربعين🐍

دخلت للبيت انطيتهن الغراض وگعدت بالگاع البيت فارغ من كلشي مابيه حتى فراش حچت رفيف متذمرة

رفيف:-اووع مسك شـلون ننام اليوم
مسك:-بالگاع
رفيف:-لاا شِــنو بالگاع اخاف من الحشرات أني

هرم:-أوي ماما تخاف من الحشرات النازوكيه لچ عيني اذا طلعتلچ حشرة صيحيلي أعلسها علس

رفيف:-اوووع

مسك:-هسه أگول لعلوكي يجيبلنا بطانيات اي شـيي نتغطه بيه

رفيف:-قصدچ يطلب من العالم
مسك:-اي وهو شكله يساعد الناس يتصدقون عليه
رفيف:-هذا فوگ ميساعدنا انتِ جاي تتنمرين عليه

مسك:-اي هــوَ شـلون علوكي بواگ وأزبل بشر على وجه الكرة الأرضية حتى بالأطفال يتحرش

ديالا:-صخام الصخمچ مسك لــيش جبتيه ويانه
مسك:-لتخافين ميسويلنا شـيي عبدالرحمٰن يقسمه نصين
هرم:-أفهم منچ علوكي الشبر ونص خطير

مسك:-ههه اي يبوك ويسلب ويتحرش بالأطفال وحتى هــوَ ماگدر اگول بعد شِــنو وشنو أحافظ على برائتچن

رفيف:-والله خفت منه عـزه
مسك:-شحده يباوع على وحده من عدچن إله أسوي عشه للچلاب
رفيف:-اوف

مسك:-طلعت انطيته خمسه وعشرين وگلتله هــاي الفلوس تريـد تجيبلنا بيهن بطانيات ثنين لو تاخذها ألك وتدبرلنا فراش وبطانيات من الناس

-أعرف بيت واحد هنا اطلب منهم فراش مايردونه وبطانيات
مسك:-اي عَـفيه استعجل
.
.
ديالا
راحت مسك سبحت وبدلت ملابسها لبست ملابس سود ولفت شال على وجهها ورادت تطلع لزمتها رفيف خبلتنا بَــس تبچي

-مسك وين رايحه ، رايحه لرانيا مو عَـفيه لاتسويلها شـيي ترى هـيَ مالها ذنب

هرم:-اي تحچين هيچ لأن صديقتچ

رفيف:-حتى لو چانت مو صديقتي لــيش تأذونها وهيَ البنيه ممسويتلكم شـيي

مسك:-أريد أحرگ گلب الحجيه بيها رانيا أقرب حفيده الها وأقرب حتى من بناتها

رفيف:-شِــنو راح تستفادين

مسك:-الحجيه تدري بجريمة ولدها وتسترت عليها وطمطمتها الها تعرف بخالي يونس مات بريئ لابيها ولا عليها چان رايح يشوف اخوه بالمستشفى وأجو ولدها الزباله اخذه ويه ذاك المايتسمى