الأيسر "سلاسل الاحرار" (الاصليه)

السلسله السادسه

اسامه وهو يركص

::- شعر شعر لككك بويه كلللللللوش

أيسر ما تحرك ولا سوه شي وهذا ذب لحم جر ياسر وصدك ذبو لحم لا ويدبجوون لعبوا جوله

ياسر ::- اوكف نشغل اغنيه شنهي نركص بدون اغنيه مخابيل...

اسامه ::- اييي كون ساجده عبيد هاي مال يا خاله مدري خاله المهم بسرعهههههههه....

شغلوا وذبو لحم ربع ساعة وامي بعدها تحجي بالتلفون كملت طفوا الاغنيه اسامه عدل ملابسه واردف برزانه عبالك ممسوي شي ..

اسامه ::- ها هو شكو؟

ضحك ملهم وكال باستهزاء

ملهم ::- صارلك ساعه تهز وما تدري شكو؟

اسامه ضحك وحك ارنبه أنفه

اسامه ::- لا والله بس سمعت هلهوله كلت اذب لحم..

ام أيسر ::- يمه اهل اساور موافقين انطوا اساور لمسلم

رجعوا شلغوا يركصوون كام أيسر بكل هدوء تقدم عله امي وكلنه ننتظر شراح يصير..
تقدم وكعد ركبه ونص سحب النعال اجلكم الله وكام وصاح شلون ضباط مستهترين وهمه يركضون وايسر وراهم مطارده حرفيااا

اسامه ::- خاب غير شايب شاد محركات بيب بيب ولككك شنهييي شبيك! تركض ورانا احوووو ولج يمه فحطت!

يحجي وهو يركض

أيسر ::- لا شباب منوو كال شايب حته اعلمكم من أقره قصائد ما تتمرعصون كدامي...

صاح ياسر اليركض اسرع من اسامه

ياسر ::- ملاااا هذا مو محرم خلينه نردح شبيك انتههههه! بعدين شلون تقره يم اليهودي ملهم..!..

أيسر ::- هسه اكضكم واعلمكم عله محرم شلون يصير إذا ما طلعته من خشومكم شاربي مو عليه والله....

و كفو وحصلولهم نعالين ورجعوا وايسر بعده شايل النعال معصب...وهمه يمشون ويا عبالك ما صاير شي ويحششون خربانين ضحك!

ضليت مفهي عله وضعهم بعدني بالباب ساد الطريق عله أيسر تقريبا أيسر مو كلش طويل أو ضخم بنيته وسط بس معتني بنفسه كفخني عله رجلي بالنعال وكال

::- تحب اكفخك نعال ثاني لو توخر اريد افوت..!

من الخوف هزيت راسي اي ووخرت عنه ذب النعال وغسل وراح كعد رجل على رجل يقره قصائد عبالك مصاير شي عاينتله ضارب الدنيا عرض الحايط هزيت أيدي وعبرته راحو ياسر واسامه ولا يبطلون كعدوا يمه
حجه ياسر كوه لازم نفسه ما يضحك

ياسر ::- ملااا؟

جاوبه وهو عينه عل أوراق

الايسر ::- هممم؟

ياسر ::- شنو ذني البيدك؟

الايسر ::- اغنيه.. اروح ادك واركص تروح وياي؟