قيود عشك الشيخ

قيد الرابع عشر

اختنكت وضاك النفس بية عيوني مــا اشوف بيهن بعد ولا أڪُدر أتــنفس طلعت لبرة البيت هدوء كلمن كاعدة بــ غرفتة من بعد يوم تعب

نزلت على درج جوة اشوف عثرت ردت اوكع مــا احس الا نرفعت من بطني شهـــڪُت اباوع أصــيل بس شاف شكلي فتح عيونة بــ صدمة متفاجئ

وكفت على درج ودفعتة من صدرة بــ روح خاوية أردف بــ قهر::- هاي شمسوية بــ روحج

نزلت درجة جرني من زندي عاصرني يــباوعلي بــ عصبية::- احجي وياج شمسوية بروحج

صرخت صرخة يمكن من اعماق ڪُـلبي بسرعة فتح عيونة على وسعهن وخل ايدة على حلكي يمنعني اصرخ اكثر رفعني من بطني يمشي بية وانا فرفحة بين ادي

دخل بية للـ غرفة مالتي بس وخر وكعت بــ الڪُاع اشهك بــ النفس واصرخ واضرب بــ الڪُاع بــ قـــوة حسيت اصابيعي تكسرن

دنك ل مستواية يمنغني اضرب ادية وانا اصرخ سحبني ل حظنة جلبت بي اشهك::- أصــيل ڪُـلبي يوجعني أصــيل ڪُـلبي يوجعني راح اموت وجع وجع مــا ينرحم ڪُـلبي يوجعني

عصرني بــ حظنة أردف بــ حسرة::- اعرف اعرف و الله اعرف

شددت على حظنة اصرخ::- سمعت سمعت صوت الهلاهل احسهن نبتن بــ ڪُـلبي صوتهن صوتهن ياذن أصــيل يوجعن اذاني اذنةاني

جــنت فاقدة و مــا اعرف شنو أڪُول او شنو احجي::- طلعني أصــيل طلعني مختنكة راح اموت راح اموت

رفع ايدة جوة رجلية والايد الثانية جوة ضهري ورفعني وانا مجلبة بس بس شهكتي طالعة طلعني نازل بية لجوة حسيتة يخليني بالسيارة شغلها وطلع بيها

وانا اشهك دموعي على خدي::- افتح الجامة

فتح الجامة مديت راسي احاول اسحب نفس الهوة يلفح بــ وجهي وانا هوة الدنيا كلها مــا تكفي ريتي ميتة من الالم الــي صار بــ ڪُـلبي

أردف::- كافي راح اسدها لا تتمرضين

رجعت روحــي على كشن مغمضة عيوني دموعي وحدهن تنزل أردفــت::- ليش تساعدني

سڪُت مــا جاوبني فتحت عيوني التفتت ناحيتة و أردفــت::- ليش تساعدني

جاوب بــ شوغة::- لان أحـــبچ!!!

غمضت عيوني ابجي::- انا تعبانة

::- اصيرلج راحة

::- اتعبك

::- ترخصلج روحــي

::- ڪُـلبي يم غيرك

سڪُت يــباوعلي مــا عندة جواب حسيت اذيتة بــ ڪُلامي رجعت بــجيت واردفت::- اسفة

بــاوعلي يجر حسرات تفطر الكلب عيونة مليانة عتب بس كل هذا چــاي يساعدني وكف يم كافتريا للاكلات السريعة نزل بسرعة جاب لفة كص ورجع