صفكت وحجت
- عفيييه بخواتي يشتغلن استخبارات من وراي.
سنار :- غير خايفين عليج.
عافتني وراحت للغرفه تبدل باوعت صارت دنيا الليل رحت حطيت عشه اني وترانيم حطينه الصينيه بالكاع وتربعنه
اجت وهج وكعدت يمنا واحنا جاي ناكل وهيه تباوع للخاوشيك نترت بينا
- كافييي لااطكطن بالخواشيك أكلن بديجن.
سنار :- شبيج وهج ترى جاي ناكل بهدوى بس انتي مدري شبيج.
حجت بنرفزه
- جاي تزعجني بأكلجن اكلن بديجن واسكتن.
سكتت مستغربه من تصرفاتها تنتر بعصبيه شمرت الخاشوگه وكمت اكل بيدي
مر كم يوم وهج احسها يوم عن يوم تصرفاتها غريبه من اكنس بالبيت دكوم تعيط وتسد بذانها وتصيح علي لان الصوت يزعجها ومره الحنفيه مالت السنگ جانت تنگط شويه شويه
واني وترانيم كاعدات نگلب بالتيلفون وهج كاعده بهدوئ من سمعت الحنفيه سدت اذانها وعاطت
- كافييييي.
فزيت مخروعه من صوتها
سنار :- شبيج وهج؟
كامت بسرعه وراحت عالمطبخ كمت اشوفها شبيها راحت عالحنفيه وتضرب بيها تريد تسدها
وايدها ترجف بشكل مو طبيعي فتحت الجرارات وتنتر نتر طلعت علاگه وكامت تلف بالحنفيه تريد تسدها ماخلت مالفت عليها جابت وصله وهم لفتها
واني اباوعلها مصدومه شبيها وهج ليش هالكد منزعجه عافتني وطلعت من المطبخ دخلت للغرفه وسدت الباب كل قوته
كامت ترانيم تسأل
ترانيم :- هاي شبيها.
رفعت اكتافي وحجت
سنار :- حالي من حالج كلشي ماادري .
راحت مستغربه واني ليل كله افكر شبيها ليش هيج حالتها ليش ايدها ترجف ابد بحياتي كلها ماشفت وهج بهاي الحاله
ESTÁS LEYENDO
انتقام الوهج
Ficción histórica"كنت بمفردي طوال الوقت" "اهزم" "اتعثر" "اتألم" "دون ان ينتبه احد او يلاحض وكانت هاذه الوحده رغم وحشتها هي مصدر قوتي"
part _16_
Comenzar desde el principio
