قيود عشك الشيخ

قيد الثالث عشر

كعدنا اكلنا و رؤيـــا تنقش تنقش جبرتها تاكل اخذت بعد قطعة بـــاوعت الها و أردفــت::- اكلج شوكت تفتحين التجبير

::- عكبة ايـــة عكبة شثكلها احس نايمة على ڪُـلبي عايقتني من أريــد انام

هزيت راسي::- يلا مــا بــقى شي بس باجر

هزت راسها رجعت تنظف وتلملم بــ الغرفة وانا نزلت لجوة ذبيت الكراتين وصعدت ل فوك اقرة ثاني يوم اندك الباب طلعت أصــيل

::- ها هم تريد واسطة أنت

::- عمي انا الواسطة منتظر واسطة من عندج خربت اذز هيج

ضحكت::- خير شرايد

::- باجر ملتحق بس قبلها أريــد اراويج مفاجئة تعالي وجيبي البنية وياج

::- ترة اسمها رؤيـــا

::- ادري اسمها رؤيـــا بس هذا أثـــير خابصنا البنية البنية مدري شبي بس يكول اسمها تلزمة داء الرجفة ابو رجفة

ضحكت ومديت راسي ل رؤيـــا وكلت الها::- لبسي شالج وتعالي

هي استغربت بس لبستة وطلعت شافت أصــيل دنكت راسها وسلمت هو هم دنك ومشة كدامنا اول مــا نزلنا فتحلنا الباب مال غرفتنا

دخلت اباوعلها مصدومة تخبل تخبل تخبل تخبل جريت رؤيـــا من ايدها ودخلت افتر بيها::- صااايرررة تجنن

اباوع شباك على طول الحايط كزاز وعلى بردة بيضة خفيفة ومسوي كعدة تخم ثنين وطبلة لون اوف وايت

بـــاوعت للجهة الــي بصفة مكتبة وكرسي حتى اكعد عليها رجعت بـــاوعت على الجهة الثانية سرير اثنين يتوسط الغرفة وعليهن فرش جداد ويخبلن

رحـت امشي بــ خطوات فتحت المحزن الــي صار حمام اباوع مو شكلة ابد يخبل يجنن حمام حيل صغير بس يكفينا انا رؤيـــا مــا عدنا شي

طلعت ارڪُض لـ أصــيل شمرت روحــي بــ حظنة هو يضحك::- عجبج

نزلو دموعي::- أريــد الأيــسر

بــاوعلي عاقد حاجبة::- شتردين منة

::- اتــصل بي فدوة

هز راسة واتصل بي رفعة أردف::- ها ولك

::- ها

::- هاك هاي وحدة تريدك

اخذت الــموبايـل::- الأيــسر

مــا احس الا الــموبايـل طوط بـــاوعت بــ صدمة سد الخط بــ وجهي بس سمع صوتي عيوني دمعت بـــاوعت ل أصــيل عيونة علية تنهد::- تركي هل فترة هو بس يهدئ يرجعلج

هزيت راسي بس اكو غصة بــ داخلي مقهورة من عندة صرت امتحن ثالث و بــ نص الامتحانات صادف رمضان