انتقام الوهج

part _13_

واني اضغط عالجرح بس اريد اوكفه شويه ودگ تيلفون بحر فتح خط وحجه

- ها صگر ، وين انتَ هسه ، ديلا ماشي اني واكفلك بشارع العام بمنطقه...........، يلا بسرعه تعال.

سده وحجيت
- منو هاذا؟
- اخويه صكر
- شبي
- يريد يجي يمي حتى نروح سويه.

- وليش مارحت وياه من البدايه مو اخوك
- احنه جيش ولازم نتفرق حتى لا يكشفونه الدواعش.

هزيت راسي اجه يمي وكعد على ركبه وحجه بهدوئ
- بس خلي اشوف الجرح.

باوعتله بعيون نعسانه وحجيت
- شيهمك اذا شفت جرحي.
- انتِ كلج تهميني
- ليش هلگد مهتملي
- حب ؏الفطره، من الله كلبي يريدج.

باوعتله بنضره مطوله وخرت شويه من التيشرت وهوه باوعله بتركيز مد ايده بجيبه وطلع كلينس وحطه عالجرح باوعلي وحجه وكأنما هوه المجروح

- اتحملي هسه تجي الاسعاف

ربع ساعه ودخل واحد طويل كام بحر وحجه الولد الدخل

صگر:- ها ولك بحير طلعت تتمعشك من ورانه.

بحر:- دكل نع*** احسلك

دخلت وراه بنيه منزله راسها ماعرفتها ابدد لحد مارفعت راسها فتحت عيوني بصدمه هاي ترانيم وجه مطگع اثار ضرب والسواد محاوط عيونها شهكت و اجتي تركض حضنتني وتبجي تحجي

- وهجج انتِ هناا

حضنتها قوي وغمضت عيوني وحجيت
- اي اني هنا يروحي الوهج انتِ .
- ل لاتعوفيني بعد وهج اموت اني.
- ماعوفج يا گلبي انتِ .

وخرتها وامسح بدموعها شافت ايدي ملطخه بالدم باوعت عالجرح وحجت بخوف

- وهج شبيج ليش هاذا الدم ، انضربتي بس حتى تنقذيني اتصوبتي بسببي وهج

مسحت دمعتها وحجيت
- لالا يروحي انتِ مالج دخل هاذا قضاء وقدر ، ماشي امسحي دموعج بنيتي انتِ

حضنتي مره ثانيه وهاذا كله وهذوله واكفين ويباوعولنه