انتقام الوهج

part _9_

ترانيم :- انتَ عراقييي .

- بعد علي صوتج خلي الدواعش يسمعون .

ترانيم :- اسفه اسفه ، يعني انتَ صدك عراقي .

- اي ماتشوفين كضيتها وياج ايتها العاهره وايتها العاهره .

ضحكت بفرح وحجيت
ترانيم :- والله من الاول عرفتك انتَ عراقي .

- اي من هاذا ماخليتي فشاره مافشرتيها عليهة.
- هاي جنت مااعرفك هسه عرفتك .
- دمشي ، امشي طبي بالغرفه خلي اشتغل .
- شتشتغل .
- شنو جاي تحققين وياي .
- ها اسفه  .

عفته ومشيت عيع هاذا شايف نفسه شوفه باوعت عالغرفه بيها تراب مبين متروكه من زمان فتحت الكنتور لكيت تراك رجالي وتيشيرت هاي شنو اني البس هيج .

لفلفتهن وحجيت
- يلا بس اسبح واغسل ملابسي انشفهن والبسهن نفسهن .

رحت يمه لگيته جاي يطكط بالحاسبه
- هيوو

باوعلي ورجع باوع عالحاسبه
- شنو هيو ماعندي اسم .
- واني وين اعرف اسمك
- هسه شتردين .
- اريد ادخل للحمام

باوعلي وحجه
- وشتسوين بالحمام ؟
- شلون سؤال بايخ يعني شسوي بالحمام .
- ادري شسوين تسبحين لو *****.
- هوب هوب شنو انتَ مااعندك احترام ، شلون يحجي
- لا ماعندي احترام ، احجي خلصيني .

نفخت بضجر اصبر نفسي
- اريدد اسبح .
- اي دكولي من الاول اسبح ليش تعليني .

عوجت حلكي وهوه دلاني عالحمام بسرعه سبحت ولبست الملابس البجامه كامت تنزاح مني صخامم بوجهج تريدين تطلعين هيج عالرجال اله تموتج وهج اذا عرفت

بسرعه غسلت ملابسي وشريتهن حتى يبسن بسرعه لفلفت التيشيرت علي وطلعت اباوعله ملتهي بالحاسبه.

دخلت للغرفه وحجيت الحمدلله والشكر ماباوعلي جان اطشر العرض انتضرت ساعتين كاعده ماكو لاحس ولا نفس معقوله عافني وحدي يمهاا غير اموت طلعت بره وزفرت نفس براحه من شفته

باوعلي من فوك ليجوه وضحك واهتزن اكتافه ردت اروح اموته بس تلاحكت على نفسي ماسويتها

- تدرين شلون طالعه بيهن جنج برغي ولابس شروال
- لكك لتعيب علي احسن ماجي اموتك .