“…”
ရှန်းလျှိုရှန့်က အပြစ်ပေးရန်အတွက် စေတနာ့ဝန်ထမ်းလုပ်လိုက်သည်။ လင်ဟွားကလည်း ငြင်းဆန်ခြင်းမရှိဘဲ ဝိညာဉ်လှုံ့ဆော် နတ်ဘုရားကြာပွတ်ကို သူ့လက်ထဲ ထည့်ပေးလိုက်သည်။
ဆန့်ကျင်ဘက်အနေဖြင့် လင်ယွဲ့က တားမြစ်လိုက်သည်။
" မင်း ယဲ့ပင်းရန်ကို လွယ်လွယ်နဲ့အပြစ်ပေးလိုက်မယ်ဆို ဂိုဏ်းချုပ်ပြန်လာတာနဲ့ ငါ သေချာပေါက် အသိပေးမှာနော်..."
( ❗ နာမည်တွေ မှားကုန်မှာစိုးလို့ပါ လင်ယဲ့ကမှ ဂိုဏ်းချုပ်နော်၊ လင်ယွဲ့က တရားစီရင်ရေးအကြီးအကဲပါ ❗ )
သူ တွေးနေသည့်အရာကို ရှန်းလျှိုရှန့်သိသည်။
အချစ်ကြောင့် သူက တွေးတောဆင်ခြင်နိုင်စွမ်းမဲ့သွားပြီး ယဲ့ပင်းရန် အနာတရဖြစ်အောင် မလုပ်နိုင်ဟု တွေးနေခြင်းပင်။
အမှန်စင်စစ်တွင်မူ လင်ယွဲ့တစ်ယောက်တည်းမှလွဲ၍ ဤနေရာတွင် ရှိနေသူအားလုံးက ဤသို့တွေးနေကြသည်။ ရှန်းလျှိုရှန့် နတ်ဘုရားကြာပွတ်ဖြင့် ရိုက်ခွင့်တောင်းနေခြင်းက ယဲ့ပင်းရန်ကို အထိခိုက်မခံနိုင်သောကြောင့် ကာကွယ်ပေးနေခြင်းဟု တွေးနေကြသည်။
အင်မော်တယ်ရှန်းက ဂိုဏ်းကို ထပ်မံအရှက်ခွဲရန်ပြုလုပ်နေကြောင်း တွေးမိသောအခါ ချင်းလင်ဂိုဏ်းမှ တပည့်များ၏ မျက်နှာက မည်းမှောင်ကုန်သည်။
တစ်ဖက်တွင်မူ ဓားဂိုဏ်းမှ တပည့်များက သက်ပြင်းချပြီး စိတ်အေးသွားကြသည်။
သူတို့က ရှန်းလျှိုရှန့်ကို ရွံရှာမုန်းတီးသော်လည်း သူတို့၏ဓားသခင်အပေါ် ရှန်းလျှိုရှန့်၏ ခံစားချက်များက စစ်မှန်ကြောင်း ဝန်ခံကြသည်။ ရှန်းလျှိုရှန့်က ယဲ့ပင်းယန်ကို ခေါင်းမှခြေဖျားတိုင် အထိခိုက်ခံမည်မဟုတ်ပေ။
" မင်းပဲလား..."
ယဲ့ပင်းရန်က လက်နောက်ပစ်ရပ်နေပြီး မျက်ခုံးကိုတွန့်ချိုးထားသည်။
" ဒါက ကျုပ်ရဲ့အပြစ်ပါ လျှော့ပေါ့ပေးစရာမလိုဘူး..."
အပြစ်ပေးခံရမည့်သူကပင် သူ့ကို အလျှော့မပေးရန် ဖျောင်းဖျနေသည်။
ရှန်းလျှိုရှန့်၏နှုတ်ခမ်းများ အနည်းငယ်တွန့်ကွေးသွားသည်။ သူက ရယ်ချင်စိတ်ကို မထိန်းထားနိုင်ဘဲ သူ့ကိုယ်တွင်းမှ ဝိညာဉ်စွမ်းအားကို အသက်သွင်းလိုက်သည်။
YOU ARE READING
ပန်းလေးလိုလှတဲ့ ဗီလိန်ရှစ်စွမ်း
RomancePaid GP နဲ့ သိလိုသမျှကို wallထဲက About မှာတင်ပေးထားတဲ့ IQ team page messengerလေးကနေ မေးပေးပါရှင့်
Chapter 8
Start from the beginning
