انتقام الوهج

part _3_

ابو ليلى:- ليش تردين التصوير

- اريد اعرف شصار بوكت الحادثه. عمو اتمنى ماتردني

ابو ليلى:- ادللي بنيتي بس يرادله وكت اقل شي ساعتين حتى نكدر نرجع الكامرات لقبل شهر ونص.

- عادي عمو. اخذ راحتك

هز راسه كام واشر الي وحجه
- تعالي وياي

كمت ودخلنه بغرفه بيها بلازمه جبيره كعدت وهو راح جاب الحاسبه وكعد يطكطك بيها واني مركزه على كل حركه منه عالحاسبه فزيت من دك تيلفوني طلعته من جيبي مكتوب«سنار» حطيته صامت مو وكتها هسه خلي اركز بي رجعته لجيبي ضل بالساعتين يطكطك بيها شويه وقدم الي شريحه وحجه

- هاج هاي نسختها الج، انشاء الله تلگين شي يوصلج للتردينه بنيتي

اخذتها وحجت
- مااعرف شلون اشكرك عمو، معروفك ماانساه.

ابو ليلى:- لاتحجين هيج انتي مثل بنتي ليلى وابوج جان صديق عزيز الي وانتي بمعزته الله شاهد.

- تسلم عمو ماتقصر.

تشكرت منه اهواي وسلمت على مرته وطلعت وهوه خطيه ضل واكفلي بالباب لحد مااختفيت عن نضره رحت بنهايه فرع الثاني باوعت وتصنمت بمكاني من شفت شرطه وسيارات والدنيا محتركه بمكان الي اتهاجمت بي،

ركضت كل سرعتي على فرع الثاني خافضه كل فرع وكل لوفه بهاي المنطقه ضليت بالنص ساعه اركض وكفت الهث وانتفس بقوه تمشيت بطئ شفت سياره واكفه بشارع عام بس ماكو بس كم نفر يمشون تقدمت يم السياره مديت راسي وحجيت،

- عمو تروح لمنطقه.........

باوعلي وحجه
- لا والله مااكدر هاي منطقه شويه بعيده.

- شكد ماتريد انطيك بس وصلني.

- اني مااروح لهاي المنطقه بس شفتج شلون حايره وضايعه كلت اروح، اصعدي اصعدي

صعدت واني وانتجيت اخذت نفس قوي دك التيلفون مالتي شفتها سنار شكد تلح الخاطر الله جاوبت وحجيت

- هااا

سنار:- ويننن انتي وهجج، خاله ازهار اتخبلت من عرفت بيج ماجايه.

:- هياتني وصلت، بالطريق اني.

- بسرعه تعاي.

سديته نص ساعه وطبك لراس الفرع انطيته الفلوس ونزلت اتمشى وصلت البيت دكيت الباب فتحته سنار