عشقك لعنتي

الفصل 29

‏من أراد أن يدعو لغزة فليقل؛اللهم لا يأتي عليهم رمضان إلا وقد أطفأت نار حربهم !!
عشقك_لعنتي
#بقلم_شروق_مجدي.
الفصل 29
صلى على الرسول صلى الله عليه وسلم ♥️
.........................................

في منزل نور دخلت ليان بصوتها العالى تقول : يا نووووووور انتي يا وليه قومي بقه كل ده نوم اصحي يا نوري
نورهان بغيظ وهي تجلس وتفرك عيونها بتعب : يا شيخه حرام عليكي كنت بحلم حلم جميل اوي بس انتى اعوذ بالله منك حد يصحي حد كده
ضحكت ليان بمرح وهي تجلس : معلش نسيت اخبط على باب مخك هاهاهاهاها

( واخد بالك انت يا حج ممكن اطلعها بتحلم عادي ولا يهمني قلبي ميت 😂 بس قلب الام بقه 😂)

جذبت نورهان الوساده و القتها عليها بغضب منها وهي تقول: ده انتى بارده بجد

ضحكت ليان و نظرت حولها باستغراب و هي تقول : فين سيليا صحيح
نورهان: نامت مع مريم فوق كانت بتتفرج معاها طول الليل على مسلسل كوري ونامت معاها

ليان: اممممم طب قوليلى بقه حلم اي ده واي الموضوع الى كنتى عايزاني عشانه

نورهان بفرح: زيدان عايش يا لولي
ليان وهي تضع يدها على جبين نورهان بخوف : انتي سخنه ولا اي نورهان حبيبتى انتى كده دخله على مرحله وحشه اوي انا شايفه انك محتاجه دكتور نف
قاطعتها نورهان بفرح : والله عايش وكنت معاه طول الليل كمان حتى ادالي رقمه المصري

ليان بتهكم : اه في الحلم طبعا
نورهان بغيظ تصدقي مش هحكيلك حاجه ده انتي رخمه بجد
ليان بحيره: انتى بتتكلمي جد بقه طب ازاي مش فرقع قدامك
نورهان بغيظ منها : اي فرقع دي يا كلبه انتي انا قلت المكان انفجر بعد ما الباب اتقفل

و اكملت بفرح: بصي يا ستي ( و بدات تقص عليها ما حدث ولكن دون ذكر انه كان جاسوس بل فقط مساعد للمخابرات لا اكثر )

فتحت الاخري عيونها بذهول : انتى بتكلمي جد طب هو دلوقتى يحيى ولا زيدان ولا ياسر انا تهت منك
ضحكت الاخري بفرح واكملت : يحي حاليا يحى هارون وبس
ليان : ياعني كده جوزك ولا لاء
نورهان: لا طبعا قانونا لاء لان زيدان مات خلاص واكملت بفرح : بس شرعا اه انا مراته

ليان بصدمه وهي تقترب منها : بت اوعي يكون اتغرغر بيكي
ضحكت الاخري بقوه واحتضن كل منهم الاخر ونامت ليان بجانبها بفرح و هي تقول : ياعني نقول مبروك بقه يا نونو
نورهان بتهكم : مش لما اقولك انتي مبروك الاول يا حلوه يا بنتى حرام عليكي الواد تعب منك فكي الحصار بقه قرب يعيط

ليان بغيظ وهي تربع قدميها : هو انتى اختى انا ولا اخته هو افهم
نورهان: ليان قبل اي كلام انسي خالص الى حصل بينكم ده لانه مكنش في وعيه وانتى بنفسك عرفتي ان الزفت ياسين ده كان حاطت له حبوب هلوسه على مغيبات عقل على منشطات وصلته للحاله دي لكن عمران مش كده وعمره ما كان كده ولا بص لبنت حتى في الشارع كده او في شغله يبقى لي بقه الحصار الى عملاه عليه ده