Warring hearts, United souls

Chapter 21.

Isa-isa na dumating ang barkada. Naunang dumating sina Junjun and Jelai na nagkukuringgian ngayon sa harapan ko. Si tonsy naman dumating na din pero umalis agad para sunduin si Apple. Balak kasi ni Tito charlie na ihatid kami sa school gamit ang Van nila. Si missy naman. Nagsabi itong diretso na siya sa school. Since ihahatid siya ng daddy niya.

Nasaan na ba si Roni?

Bakit hindi pa siya nababa?

"Ang tagal naman nila tonsy. Anong oras na oh?!" nakasimangot na sabi ni Yuan. "Isa pa itong si Roni. Kinakapalan pa ata ang make-up niya!" reklamo pa nito.

Natawa kami bigla nila Junjun dahil alam naman namin kung bakit nagmamadali itong makarating agad sa school. Iyan ay dahil kay Missy..

Naks! Inlove ang bestfriend ko.

"We're hereee!" matinis na boses na sabi ni Apple.

Si Roni na lang. Siya na lang ang hinihintay namin para makaalis.

Hindi na ako mapakali sa inuupuan ko. Para akong matatae na ewan. Kinakabahan kasi ako. Paano kung ang panget pala ng ayos ko. Tapos hindi nagustuhan ni Roni.

"Roniiii!" sigaw ni yuan habang nakatingin sa balcony nila dito sa loob. "Pudpod na yang mukha mo kakaayos mo!" baliw talaga itong si Yuan. Inip na inip na siya.

"Ano ka ba naman kuya? Ang ingay-ingay mo!" napatulala ako kay Roni na ngayo'y bumababa sa hagdan.

Shet.

Napahawak ako sa dibdib ko ng bumilis ang tibok nito. Para akong kakapusin sa paghinga.

Sobrang ganda. Ang ganda-ganda ngayon ni Roni sa suot niyang black long dress.

Ngayon ko lang siya nakita na ganito kaganda. Bumagay sa kanya yung dress dahil kitang-kita dito ang hubog ng katawan niya.

"Borj, pakitikom." ani junjun. Hinawakan ako nito sa baba at inikom ang bibig ko na kanina pa pala nakanganga. "Baka pasukan ng langaw." tumatawa nitong sabi.

Inis kong tinignan si Junjun at mahinang sinapak siya sa braso pero tinawanan lang ako ni Loko.

"Buti naman bumaba kana. Ikaw na lang hinihintay namin." reklamo ni Yuan kay Roni.

"Ewan ko sa'yo." inirapan ito ni roni at humakbang paabante. Natigil lang siya sa gagawin niya ng mapansin niyang nasa harapan niya ako.

Nahihiya itong tumingin sa akin at ngumiti. Nilingon ko ang mga kasama namin.

At para silang mga sira. Ang lalaki ng mga ngiti nila at parang nanunuya ang mga tingin nila sa amin.

"Ready na ba kayo?" tanong ni tito charlie nang makapasok ito.

Nagkatinginan pa kami ulit ni Roni bago umiwas ng tingin isa't isa. Dali-dali itong lumabas at sumakay sa Van nila.

Agad akong bumaba ng Van nila Roni nang makarating kami dito sa school.

"Hello borj." bati sa akin ng mga female students na nakakakilala sa akin.

"Hi." Nakangiting bati ko rin sa mga ito.

Napansin ko namang sumama ang tingin ni Roni sa mga ito. Selos?

Nilahad ko ang kamay ko para sana aalalayan si Roni. Pero hindi nito hinawakan ang kamay ko bagkus dali-dali itong bumaba at tinabig pa ako.

Bakit?

"Bye daddy. Take care po." ani Roni.

"Kuya." - tito lumingon si yuan dito. "Ang kapatid mo ha. Bantayan mo." bilin nito.