شذر: اي ماتدري بنسيبهة الجديد سخيف ومينلزم
أكرم: تعالي لج منو السخيف
شذر: والله بس تدنة اعيط والم اهلي عليك
أكرم: لج اليوم عشيرتج بكبرهة متخلصج مني سهلة
شوفي منو يم الغرفة خل انزل بسرعة
شذر: فتحت الباب علا كيف باوعت محد بالصالة
نزلت علا الدرج سمعت صوت ماما وام هيثم وبناتهة بالمطبخ والبقية نايمين
رجعت للغرفة
شذر: كاعدات بالمطبخ يشوفنك
أكرم: ماشي لعد بدلي ملابسج ونزلي قبلي دخلي يمهن
وسدي الباب واني اروح للاستقبال خابرني حسين يكول نايمين
شذر: عزا بعينك اي والله فضحتني كدام الولد
أكرم: يلة استعجلي ليكعدون
شذر: وتريد ابدل وانت واكف
أكرم: حبيبتي اروح فدوة استعجلي هو شبقة وما شفتة
شذر: خزرتة ورحت ختلت ورا الكنتور وبدلت ملابسي
وهو يباوع بس ميشوفني كلش ويضحك علية بنفس الوقت
لفيت شالي علا راسي وهو واكف ورا الباب
نزلت شوية علا الدرج باوعت محد موجود
صحتلة علا كيف نزل وراي لنص الدرج يعني اللي بالصالة ميشوفو
شذر: أكرم اذا سمعت صوت بابا المطبخ انسد انزل بسرعة تمام
أكرم: تمام يلة روحي
شذر: نزلت بسرعة ورحت دخلت يمهن صبحت عليهن
وردن علية سديت الباب مالت المطبخ اللي علا الصالة حيل حتة يسمعة
ماما: شذر ليش سديتي الباب خلي مفتوح اخاف يكعدون الجهال
شذر: ماما مو نايمين صوت حجينة ينسمع خاف يكعدون خطية
ام هيثم: تعالي شذورة كعدي يمي اتريكي
رحت كعدت يم ام هيثم والبنات كلهن كاعدات علا الطاولة
جانن يتريكن كعدت اكلت وياهن وهنة مكيفات سوالف وضحك
أنت تقرأ
مـلاذ آمن
Randomفتاو صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
Bart20
ابدأ من البداية
