بَس لُو تسَّمحَلك ظَرُوفك بَاللقىٰ ياَزِينَ ويايـَّه

البـارت الأول

نوف : انزين ادري بس هاي احلى عن مالج

الميث : خلج من سيارتي الحين وخلينا نروح ناخذ كوفي ماتشا اي شي قبل الكلاس باقيله 40 دقيقه بيمدينا عادي

نوف : انزين قومي نروح saddle انا باخذ اساي سموذي وانتي خذي اللي تبينه لانه الوحيد اللي بطريقنا

ومرو سادل والميث خذت لها اساي سموذي نفس نوف عشان تجربه

وراحو الجامعه

وهم بطريقهم للكلاس الميث جربت الاساي سموذي : استغفرالله صدق ما باخذ على ذوقج مره ثانيه

نوف : امبيه ميثوه والله انه حلو ايبيه بشربه

الميث عطتها : روحي انتي بروح اخذ لي ماتشا من كافيه الجامعه

نوف : لا تطولين باقي عشر دقايق

الميث : ما بطول

وراحت عنها وطلبت لها ماتشا ورجعت قعدو يتريون الدكتور

نروح لخليفه بنفس الوقت

طلع من العرس وهو مقهور و متضايج كيف خلته وهو يحبها ويموت فيها حي بدون سابق انذار هدته وتزوجت بطل اول وثاني زرار من الكندوره وشل الغتره بإيده ومشى بخطوات سريعه وهو ما يشوف الدرب

سمع صوت بنت تصرخ : كيففف تدش هني ما تعرف انه عرس حريم ؟

طالعها ثواني عقب نزل راسه يوم استوعب : اسف ضيعت الدرب

وطلع من قسم الحريم عقب استوعب انه سيارته بالصوب الثاني ورد دخل مره ثانيه وهو منزل عيونه : سيارتي بالطرف الثاني

وطلع عنها عقب ركب سيارته وقعد يسوق بسرعه لين وصل البيت بعد عق عمره عالسرير ورقد لين رن منبه فونه شل فونه ورفعه يشوف الساعه
7:30

قام وتغسل وتبدل لبس له كندوره بيضه وعصامه بيضه عقب خذ معاه لابه ولبس نعال بيضه بعد ونزل تحت عند عايلته سلم عليهم وقال لهم انه ماله نفس ياكل اي شي

طلع ركب سيارته وكانت باقي ساعه عالكلاس وقرر انه يمرعالبحر شوي يغير نفسيته وعقب راح الجامعه ودخل الكلاس

عقب ما خلص الكلاس طلع وكان يمشي وهو  سرحان وفجأة دعم بنت وطاحت اغراضها

خليفه ياي بيزل يساعدها بس هي سبقته وشلتهم قبله : اسف والله ما انتبهت كنت سرحان

طالعها ثواني : انتي نفسج البنت اللي بالعرس؟

الميث طالعته : وانته دوم جي دفش