خطوات متعثرة

الـرف الثـالِـث

ادم : تفضلي
كلبي دكاته صارت مليون بزور تطلع مني الكلمه
وتين : اا عمه نوال موجوده
وخر من الباب وفتحه لابس بلوز ماروني وكابوي بيج عضلات صدره مبينه هوا مو ضخم لا بالعكس جسمه مرتب لا ضخم ولا ضعيف،،وخر من الباب فتت منصيه راسي منزعجه من فكره ما افوت لبيت عمه براحتي عمتي زوجها متوفي وعدها ثلاث ويلاد الجبير ثامر متزوج وعنده ثلاث اطفال بس عازل بشقه فوك الوسطاني ادم والصغير راغب أكبر مني بسنه هوا شافط وهل نوب سادس من اشوفه اكتئب لان ولا مره شفته يدرس واربعه وعشرين ساعه بشارع وكل درجاته ٩٠ ٨٠ ١٠٠ وعدها ثلاث بنات رغد اميره نسرين رغد واميره متزوجين بس عدها نسرين وهاي اغلب وقتها عد اختها الجبيره رغد اول مفتت صار بوجهي راغب متمدد ورافع رجليه ع الحايط يكرط خيار ويلعب بجهاز فات وراي ادم وسد باب المطبخ كام يتحمحم يلمح اله يكعد عدل وهذا ولا يمه صيح
ادم : يوممم
يصيح شويه شويه وراح ليم راغب دفره براسه ع الخفيف ياشر اله كوم تعدل باوعلي راغب وكله
راغب : يابه متكلي شبيكك منو فات غير صايره وحده منه وبينا من هيا وصغيره لازكه عدنا عاشت يمنه أكثر من نسرين
باوعتله بخزره اني وهوا كلش ميانه بس ممتعوده على ادم ولا هوا عرفني اساسا فاتت عمه للمطبخ مشت ليمي فتحت جهة من اليلك مالتها وحضنتني تتمشى بيها للجودليه اباوعله اخذ جهازه من يم راغب وراح كعد على كرسي الميز وفتح موبايله يباوع  بي ولا يمه احد
عمه : عاش من شافج عيني كلنه كبرتي بس مو هيج لو تزوجين ولا تكولين عمتي
نزلت شالي من راسي اني اللبس حجاب بس بالجذب يعني كدام ويلاد عمامي وعماتي ما اللبس،فكيت القراصه جلبتها بالبشت
وتين : عمه والله عندي درس شسوي، كصيلي شعري حبابه
مسكت خصلات تمشط بيدها شعري احمر شكد ما تحني الي رغم صارلي فتره طويله ما حاطتله حنه بس مراح اللون لمته بيديها تعدله الي
عمه : هلليوم مو اربعاء يمه
انداريت عليها  اوخر شعري عن ركبتي واحجي عمه اريد اكصه ليي هينن أشرت لرقبتي وهيا شهكت كرصتني بيدي حتى ايدج اكصها
وتين :اخخخ عمهه
صرخت وهوا رفع عينه من الموبايل يباوعلنا وراغب الحقير يصيح وسممموه دنكت منحرجه وهيا  تحجي عليه والله فلا اكصه منين جبتي هل فكره انتي كلما تسكتين تطلعين بفكره طايح حضهها كامت راحت للمطبخ الغربي واني افتر وراها وشعري يعبر ضهري جانت تعتني بي جثير وتحبه جثير ضليت افتر وراها وهيا معرف شسوي بالمطبخ بس وين ما تروح اروح وراها عمه والقرآن حلو عليه تعاي نجرب هوا يطول خوما بعدم ما يطول عمههه حبابه وكفت وندارت عليه تباوع لشعري ورجعت ندارت وحجت روحي كصي عد غيري بس والله فلا راضيه اني دمعت عيوني وشلته بقراصه ورجعت احط الشال على راسي اهوو عمه والله نفسيتي تعبت شكد ما ادرس اريد شويه اغير من نفسيتي ليش هيج سوين يا عمه

عمه : اي تغيرين بي هوا المصخم شعليه تعاي احنيه الج هسا تتغير نفسيتج
وتين : مااه
عمه : جا شتريدين والله فلا تكصي الا اكول لابوج
ابتسمت بوجهها رفعت برجمي ورا اذني ورجيت أيدي على الكاونتر ناسيه هوا موجود اساسا
وتين : هيهي والله كتله وكلي بكيفج
حضنت ايدها بمكر اي طبعا لا هوا ولا امج تعبو عليه بكدي عافتني وراحت لراغب واني امشي وراها كفخته على راسه وأخذت الجهاز وكانها تريد تطلع قهرها بي وهوا كام على حيله وكف مصدوم متت ضحك اباوعله شون مركز معاها وهيا شبعته رزايل لان ميدرس وتكوله اكص أيدي اذا ما ماسك شي ع المدير وهيج تنجح وهوا يصيح وياشر عليه  ارتاحيتي ست ليش تجين تكلليها اكص شعري متكصيه بلا ما تعرف اشايفتها جويل وتكصلج هاج شيسكتها يحجي واني ميته ضحك على اجه عليه كفخني براسي واني اضحك من جوا لجوا طلع وسد الباب وعمه فوك تغبي تليفونه رفعت راسي يباوعلي اختفت ابتسامتي وجمدت بمكاني رفع حاحبه وابتسم بطرف شفته مثبت نضره الي ركضت على عمه ليما وصلت نص الدرج اذكرت انو اني ركضت ضليت  اغمم بنفسي مثل المخبله وكفت حركه أيدي من سمعته يمه انا طالع لا تنتضريني ما اتشعه بالبيت سكت باوعلي وطلع ونزلت عمه تحجي هذا مصخم اللخ يجيني بالسنه مره وهل مره كاضيها ويا خلاناته نزلت من الدرج وامشي وراها اني وكفت واندرات عليه والقرآن وتين كلمه وحده ابلش بيج ابتسمت بفهاوه لا عمه يلا اني رايحه

وهيج كل مواقفنا اتخربط كدامه واتوتر رغم قوة شخصيتي من هذاك اليوم شفته ورجع كلبي لعادته يخفق بقوه من يشوفه رجعت لبيتنه وهوا لازك بتفكيري اسبوع ما رحت عدهم لان هوا موجود وما اريد اقيد حركته لان هوا مو نفس راغب كلما اطلع الصبح على دوامي اباوع لبابهم على سريع وكانو العالم كلها منتبه عليه رغم اني وحدي بالشارع

فززتني من صفنتي نفس وهي ادغني بكتفي تاشرلي على المدرسه الي فاتت هزيت راسي احاول اركز وكل شويه يجي على بالي وكلبي يدكك وكفوف اديه تنمل خلص الدوام احنا معدنا خط لان المدرسه جثير قريبه علينا طلعنا نتمشى اني وصديقاتي يسولفن واني ولا وياهم ايد ماسكه الجنطه الي بكتفي وايد بجيبي واتمشى اول مفتت الفرعنا شفته توه سد الباب دا يطلع بالسياره باوعلي مركز بلبسي معكد حواجبه نصيت راسي وهوه ركب سيارته وطلع فتت لبيتنا ميته جوع كبل رحت لغرفتي بدلت ومسكت موبايلي اقلب شويه وامي صاحتني تعاي تغدي طلعت كعدت اكل وامي بحلكها حجي بس متعرف شون تكوله

: اكلج ام علي كالت تريدج لابنها
بعدني اكل ولا رفعت راسي وبدون أي اهتمام كلت الها لا حطت الخاشوكه بالصحن وبديت تصيح وتحجي ضلي هيج وضلي لا ديرين بال الا ان تعنسين راكضتلي ورا الدراسه هسا نشوف اذا يصير براسج،عفت الاكل غسلت وفتت لغرفتي وقفلت الباب بحلكي غصه اهلي علموني شلون اكون قويه بتصرفاتهم ولا مره شفت منهم حنان ولا مره امي مشطتني ولا مره امي علمتني ولا مره حضنتني باستني ابويه اذا يحجي ويايه بس يعيط جنت ابجي واحس بنقص لمن اشوف اهل صديقاتي بس هسا لا ابد مااهتم صرت قويه ومستحيل ابجي كدام بشر ومحد يكدر يكسرني ولو بكلمه حتى بالمدرسه احجي بصراحه واهج الجذابه والمتصنعه ويا ويل الي تحاول تأذيني حتى صديقاتي يكولون عليه صلفه مرات بس ولا مره بعمري اهتميت خليني قويه هيج احسنلي
جنت بالليل ناشره اغنيه لأحلام تكول
انا ما أعلن عنادي لا ولا ابدي غرور
بس صار الأمر عادي غيبتك مثل الحظور

فتت داعيد الفيد وجان اشوفه صورته توترت ومعرف شسوي دزيتها لنفس كالتلي واذا ثكلي كمت كلما انشر ستوري يشوفه فديوم نشرت صوره لطرف عيني على شعر يكول

شفتها وكمت اشتم بالعشيره
نقطه ضعفي لعيون الجبيره
بذاك الوقت جان ترند صادف بذاك اليوم رحت الهم اول ما فتت مجان موجود جانت بس عمه كاعده تتفرج على التلفزيون رحت بوستها وتمددت بحضنها وهيا تمسد على شعري واني اللعب بالموبايل طاويه رجليه شويه وفات هوا كبل تعدلت باوعلي وطلع لغرفته بدل ونزل كعد ع الميز يباوعلي واني مسويه روحي ممنتبه واللعب بالجهاز واشوف لعمه شيجي كدامي وهيا تكول دوريلي على خلطات تروح صخمان الجدورة ذيج الخلطه مفادت
شغل جكارته اخذ منه نفس وحجه
ادم : ليش ناشره عيونج
رفعت راسي اباوعله بهدوء عكس داخلي اليرجف
وتين : ليش
بيده الجكاره فر ايده بمعنى ليش
ادم :ليش
وتين: عادي دايما انشر عيوني
ادم : هاي اخر مره
باوعتله عمه وتباوعلي تعرف مراح اسكت كالتله
عمه : شعليك بيها