♥️🔥ابن الجار دمر حياتي ♥️
اسمي نرجس بدات حكايتي من لما صاحبتي كانت تقرا بعايا في الابتدائي رحلو وجاو سكنو قدامنا في الحومة وبدات لقاتاتنا لماتنا قصرة ضحك انا دارنا جاين من النوع المزير بزااف تحت عنوان أسرة محافظة نسكنو دار عيلة عمومي وولادهم انا البيت الكبيرة فلعايلة والانظار كلها عليا لي يجي يتحكم دخلي متخرجيش هاذي ممنوع هاذي لالا المهم لعبة في يديهم وخلاص كانت هاذي صحبتي هي الوحيدة لي تونسني وتجي لعندي ونروح لعندها بيناتنا زوج خطوات كانت تعشق وتحب وليد جارنا كل يوم تحكيلي عليه مرجتلي عقلي وانا الكلمة الوحيدة لي كنت نخسرها عليها غير ردي بالك حومتنا فيها القيل والقال وطوالت لسان لكن كيما يقولو الحب لا يعرف طريق السلامة ....خرجنا مرة انا وياها نشرو وفطريق جزنا على حب قلبها ههه كان قاعد مع واحد المغروووور والحاسب روحو وزواخ اسمو أمين (مغذب حياتي )فتنا عليهم حتى لحقها أمين ....معليش نحكي معاك ...تفضل خويا ...بعثني ليك رمزي قالك اعطيلو النومرو وطفل عجبتيه ....هذاك نهار كان لقات تعطيه قلبها مع الرقم فرحت فرحت كانو انجاز كان لقات طريق وتسلم عليها من فرحة ..خطرة كنا قصارين قاتلي واش رايك في أمين صاحب رمزي نقول لرمزي ويشوفهولك ونولو دي كوبل ....اوو هبلتي حبيتي يذبحوني دارنا لالا ...مستحيل ...ايه دبري راسك ....الصراحة أمين هذا يعجبني مصغر لكن متجراتش نصارح حتى نفسي شعورو تجاهي منعرفوش لكن من يوم قاتلي هذاك وهو يدرور في بالي حلمت وحلمت بيه ليل ونهار وهنا راح تبدا معاناتي مع ابن الجار ذل و اهانة وما إلى ذلك والسبب مجهووول .....
وليت نوض ونصحا بيه نبات نخمم غير فيه صحبتي مكملة علاقتها مع صاحبها انا وصيتها بصح هي حمارة خليها عيت مانهدر نوصي بصح الله غالب كيما يقولك الحب اعمى
جبت عامي والحمد الله طلعت لليسي وهنا راح نتلاقا بامين خاطر كبير عليا بعامين هو باك بقيت هكذاك فلعطلة مجوزتها كي العمية نحكل غير ملبعيد هكذاك وكنت راضية وعلى قلبي كي العسل شوفتو وحدها تكفيني لكن لحد واش والشعور هاذا كل يوم يكبر ويكبر
وحد المرة جات ليا صحبتي نسيت مقلتلكمش اسمها راحيمة دخلتها بتخبية ماما كانت راحت لماني قعدنا نقصرو ونضحكو عيطلها رمزي قاتلي رواحي رواحي تسمعي ويا خياتي تقول ما هو الكلام المعسول والشعر والغزل حبي وعمري كانت قاعد قدامو أمين
رايحيمة عمري شكون او قدامك
رمزي أمين علاه
لالا سقسيتك برك سلم عليه
ياا مينو اي تسلم عليك المرأة
امين ههه اعطيني نهدر معاها ...واش ختي cvراه مهبلك رمزي تهلاي فيه يضل يهدر عليك يا ختي واش وكلتيلو ههه
راحيمة هههه اك تشوف عقوبة ليك نشاء الله
امين مشكيتش اني هايل هكذا بصح إذا كاين وحدة في راسك مذابيك ...(الفرخ يعرف يهدر 😈)قتلكم طايح خشين بفف سامط
درت روحي زعما نهدر راحيمة عمري رواحي نشربو قهوة
امين ههه معامن راكي مرت خويا نتعمن هذا الصوت لحلو ...
راحيمة رواحي رواحي يا الحلوفة واش قلتي هيا هيا نقولو عليك
انا لالا بلاك خاطيني حبيتي يدبحوني
خلاص بلعي بففف بغلة
وي مكاش اني في دار .... معا نرجس بنت عمي عمر
امين بفففف شعال نكرها يا زح أيا مهم تهلاي رمزي هاك هاك مرتك
كملو هدرتهم وكلامهم انا كي سمعتو قال هكذاك لابيتي تكوباتلي معلاباليش علاش بصح كلامو ضرني وهاذا.....(الموقف1)
