بقلمي مـَوج السـاعدي
قراءة ممتعة
البارت السـادسة والعشرون
......................................................................
خـلصت الأغنية چان توصلـني رسالـة ثانية منة
:- چنت اتمنى هاي الأغنية نسمـعها سوا اكون حـاضن خصرچ واداعب بخصلـات شعرچ
وراها دز رسالة ثانـية
:- خـلي نشرد
حچيت باستهزاء
:- لاتتهـور
:- ما متـهور ، جايچ
رتيل:- هَي وين جاي انتَ صاحي
رد بعـصبية
:- مو صـاحي شفطت من وراچ
رتيل:- وانا شدخلني بــ كُل شي تجي علية؟
:- اذا انتِ ما دخلچ منو دخلة؟
رتيل:- مُعاذ لاتخاذني بصوتك العـالي، اني رحت وگلت لجدك لاتوافق؟
استغفـر وگال
:- طلعيلي برة انـة
رتيل:- ولِيام؟
مُعاذ:- خرا بـ روح لِيام داكلچ طلعيلي
رتيل:- انتَ مدتشوف الوقت؟
مُعاذ:- نزليلي لو انـة اصعدلچ
استغفـرت وسـديت ألاتصال حطيت شـال على راسي ونزلت لگيتة واگف يم سيارتة وبأيدة جكارة وأيدة الثانية متچي علة سيارتة
من شافـني ذب الجگارة وتقـدم علية ودخل للحديقة
:- شتريد؟
مُعاذ:- گعدي احاچيچ
:- لا يـشوفنا أحد مو حلوة
مُعاذ:- گعدي هوا انا اريد احد يشوفنا
استـغفرت وگعدت بعيد عليـة
:- شلونچ
هزيت راسي
:- على الله
مُـعاذ:- رايـدچ رتيل والله روحي طاگة عليچ
رتيل:- شبيدي اني؟ شنو الي بيدي علمود اسويه!
نـزل راسة وگال
مُـعاذ:- باچر المَـليح يطلع من المستشفى، وعدني هوا يتـصرف
رتيل:- ان شاء الله بيـها الخير
هز راسـة وگام طلع بدون كلام صعـدت لغرفتي فـات ورا شوية لِيام وهوا معـصب ومخنزر
لِـيام:- شـيسوي هذا هنا؟
رديت بأرتباك
رتيل:- منو؟
غمـض عيونة بعصبية وگال
لِيام:- مو بـعينچ اني رتيل؟ ماتشـوفيني رجال؟ دتشوفيني مگرن گدامچ؟
اتقربـت علية بقلق وحضنتة
رتيل:- حشـاك روحها لرتيل انتَ
لِيام:- لـعد ليش هيچ تسويـن؟ حلوة من اجي اني واشـوفة طالع من بيتنا واني اعـرف اهلي كلهم نايمين بس انتِ گاعدة
أنت تقرأ
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
