ဒေါက်ဖိနပ်သံတသဲ့သဲ့နဲ့အတူ နီးကပ်လာသောခြေသံပိုင်ရှင်ကို သူ့မှာလှည့်ကြည့်ဖို့ရာ ခွန်အားရှိမနေခဲ့။
"ဂျင်အာ. ."
ယုံးငယ်ရဲ့ခေါ်သံမှာ သူမေ့သွားခဲ့သည်များကို အမှတ်ရလိုက်ရသည်။
သူက ကလေးတွေကြားရယ်မောနေခဲ့သော ဝှီးချဲပေါ်ကယုံးငယ်ကိုတွေ့လိုက်ရချိန် သူ့ကမ္ဘာကြီးပြိုလဲသွားခဲ့ရသလိုမျိုး ဖြစ်ခဲ့ရပြီးနောက်မှာ. .
အခြေအနေအားလုံးကို မေ့လျော့သွားခဲ့ရ. .။
ဝှီးချဲပေါ်ထိုင်နေခဲ့သော ယုံးငယ်ရဲ့အားနည်းတဲ့ပုံစံလေးက သူ့ကိုမမေ့သင့်သည်များကို မေ့လျော့သွားစေခဲ့ပြီး ယုံးငယ်ကိုပွေ့ဖက်ကာ ကာကွယ်ပေးချင်စိတ်များဖြစ်ပွားစေခဲ့တာ. . ။
မဖြစ်သင့်သည်များကို ပြုမူမိခဲ့ရပြီး မျှော်လင့်ချက်တွေပေါ်ပေါက်လာခဲ့ရပြန်တာ. . ။
ယုံးငယ်ကအခုချိန်မှာ ဒီလိုမျိုး အရင်ကလိုသန်မာတဲ့ယုံးငယ်မဟုတ်နေရဘဲ ဝှီးချဲပေါ်မှာထိုင်နေရပါစေ ယုံးငယ်ဟာ သူတစ်ပါးရဲ့သက်ဆိုင်သူဖြစ်နေတုန်းပဲမလား. .။
ဂျောင်ဂျယ်ဟျွန်း. .မင်းမှားပြန်ပြီ။
"ထယ်ယုံး. .ဟျောင်းတို့ပြန်ချိန်ရောက်ပြီလေ"
ရင်းနှီးနေပါသောနောက်အသံတစ်သံကြောင့် ငိုက်စိုက်ကျနေသောခေါင်းကိုမတ်လိုက်သည်။
ယုံးငယ်နဲ့တစ်တန်းတည်းဖြစ်ရအောင် ဒူးထောက်ထိုင်နေသောသူ့ရှေ့ကယုံးငယ်ရဲ့နောက်ကျောဘက်မှာ ဝင်ရပ်နေသူကလည်းသူနဲ့စိမ်းမနေပါ။
"ဂျွန်ဝူးဟျောင်း?"
ဝှီးချဲလက်ကိုင်ကိုကိုင်ထားရင်း မတ်တပ်ရပ်နေသောဂျွန်ဝူးကလည်း သူ့ကိုတအံ့တဩကြည့်လို့. . ။
နောက်ပြီးဟျောင်းဘေးက ဂျင်အာဆိုတဲ့မိန်ကလေးကကော သူ့ကိုတွေ့ရတာကို မယုံနိုင်သလို အံ့ဩရိပ်တွေနဲ့ကြည့်လို့။
"ဂျယ်ဟျွန်းကဘယ်လိုလုပ်. ."
"ကျွန်တော်က ဒီဂေယာမှာနေခဲ့တဲ့သူမလို့ ရောက်တုန်းလေး ဝင်လာခဲ့တာ"
![](https://img.wattpad.com/cover/287382357-288-k872652.jpg)
YOU ARE READING
If we never met
ספרות חובביםJaeyong🖤 မှားယွင်းတဲ့Timingတစ်ခုမှာ ဆုံတွေ့ပြီးနာကျင်ရတာထက် ဘယ်သောအခါကမှ ငါတို့ကမကြုံကြိုက်ခဲ့ရင်.... ငါမင်းကိုသိပ်ချစ်တာပေါ့ ဒါမဲ့Wrong Timeဆိုတဲ့နေရာမှာမှ ငါတို့ကရပ်နေမိကြတာ....။ မွားယြင္းတဲ့Timingတစ္ခုမွာ ဆုံေတြ႕ၿပီးနာက်င္ရတာထက္ ဘယ္ေသာအခါကမွ ငါတ...
If we never met : Thirteen
Start from the beginning