الـرقطاء وكراتها الثلاث

اللدغه الحادية والعشرين🐍

مسك :-حچيت بإسهزاء وابتسامه مستفزه

-بيه جني ارتاااحيت يـله روح

معاذ:-متصيرلچ چاره مو مال واحد يتفاهم وياچ

مسك:-افتح الإناره الباقيه وسد الباب وراك اخاف من الضلام

معاذ:-استغفرالله

مسك:-شغل الإناره طلع وسد الباب وراه

.
.
ديالا:-من الصبح إجو أَهل معاذ كلهم يعتذرون من اللي صــار بالعرس وبيبي صارت عصبيه ووگالتلهم

مرمر:-خلوها ببالكم إذا تطلگت مسك بيتي يتعذرها ما أستقبلها وكلكم تعرفون بيه ماحب البنيه من تطلگ تبقى يم زوجها ماناقصنا فضايح

أُمهن طيحت حظنا من من تزوجت وعافتهن مو عاد انوب بنتها تتطلگ لاا وبيوم عرسها إبنكم الأفندي جايب عليها مره ثانيه ماصايره هــاي بالتاريخ

واذا جايين علمود تعتذرون فـ أعتذاركم مقبول إنتوا هَـم ماچنتوا تدرون بشي حسب الحچي واللي صــار بيوم العرس مبين كلها متدري

ديالا:-طلعوا خجلانين من بيبي واني وخواتي صعدنا فوك هرم راحت لغرفتها أني ووجد دخلنا لغرفتي وگعدنا عالچربايه وجد لزمت تليفونها فتحته وگالت

-مسك متصله واتساب خليني اراسلهاا

ديالا:-عوفچ من مسك هسه اتصلي بكنان

وجد:-بَــس

ديالا:-يـله يـله بعديـن نتصل بمسك نگوللها الحصاد هسه تفرح

وجد:-تَـمام اتصلت

ديالا:-فتحي سبيكر

وجد:-شو هذا رفض المكالمه

ديالا:-يجوز مرته لو گاعد بمكان ميگدر يرد أكيد بعديـن يتصل

وجد:-هَـم صحيح

ديالا:-ورى دقائق اتصل عليها كنان رِدت مباشرةً

وجد:-هلاووو عمو أبو معاذ شلونك

كنان:-هلا بيچ ، اذا علمود سالفة طلاق معاذ وهدير تتم بَــس مو هسه لأن أصلًا معاذ حسب كلامه هــوَ مارايدها لــيش هيچ سوه ماعرف بَــس ان شاء الله خير

وجد:-أگـدر نطلع ونحچي بالموضوع أكثرر ؟

ديالا:- سويتلها أوكي وأشرتلها تستمر هــوَ سكت لـ كم ثانيه بعدها گال