ايوب: لا تصدكي ديري بالج يضحك عليج بكلمتين
شذر: اني اريده اريد اعيش ويا بس خايفه لا يرجع يسوي بيه نفس الشي
ايوب: ابوج مو ادمي ومسستحيل ينعدل
خلي عقلج براسسج وفكري بعقل عوفي مشاعرج على صفحه او اكلج دوسيها برجلك حالياً ماتفيدج المشاعر
شذر: هزيت راسي رجعنا للبيت نزلت دخلت جوه خاله راجعه كاعده بلمطبخ كامت باستني
ام تميم: ليش مانتضرت اجي ويااكم
ايوب: ماكو داعي يمه احير بيج بيها
ام تميم: شكال الدكتور
ايوب: احسن بس تستمر على العصاره
ام تميم: الحمدالله
ليش باجيه عيونج حمره
ايوب: مابيها شي الدكتوره كرفت اللتهاب. وتاذت هسه هي احسن مو بابا شذر
شذر: هزيت راسي بمعنى اي دخل جوه
ام تميم: كعدي ناكل لكمه انه وياج
شذر: مجوعانه خاله اريد انام
ام تميم: صاير شي وياج شذر
شذر: لا حجيتها ونزلت دموعي
ام تميم: ايوب مسمعج حجاايه
شذر: لا خاله ماكو شي والله بس اني مدري شبيه
احس تعبانه
ام تميم: كومي نامي شويه ارتاحي
شذر: رحت لغرفتها شمرت الصايه وتمددت بقيت افكر بكلام بابا يمكن صدك تندم واشتاق النا
بقيت اذكر كلامه انقهرت عليه يمكن محتاجنا
للعصر اني بلغرفه اليدخل الها اسوي روحي نايمه التفكير اكل راسي اريد بس اطلع شكله وكلامه من راسي مايطلع خلاني اتأمل بيه الله حنن گلبه عليه
كمت غسلت وجهي وكعدت يم خاله بصاله كاعده هي وكوثر
ام تميم: شلون صرتي
شذر: احسن بهواي الحمدالله
ام تميم: الحمدالله يمه الله سترج
شذر: دخل هيثم كعد كدامنا وكوثر بس تباوع عليه ارتبكت من نظراتها
هيثم: توقعت رحتي ويا ابوج؟
شذر: شمدريك شفت بابا ابتسم صفح
هيثم: خطيه اجه يتوسل يشوفج انقهرت عليه
شذر: شوكت شفته
هيثم: الصبح شفته خطيه الصراحه انقهرتله هو بهلـ حاله وماعنده احد
ام تميم: هيثم كافي
هيثم: غير ابوها ومريض محتاجها
ام تميم: هيييثم كتلك كاافي كوم منا
YOU ARE READING
شذر ايوب
ChickLitخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
part. 9
Start from the beginning
