الـرقطاء وكراتها الثلاث

اللـدغه الثامنة عشر🐍

وجد:-اي ماشفتي الحجيه تكول زوجته وهو صغير عمره چان اقل من ١٨ سنه

هرم:-اي معاذ شِــنو جاي يشاور بـ مسك

وجد:-اكيد جاي يضوجها بكلامه

هرم:-بيوم وليلة أنگلب كلشي ضدنا

وجد:-أنـي شكد خايفه شفتيها متقبل تترك كلشي ونعيش حياتنا سعيدات

هرم:-هه لاتنسين حچاية جدو احنا طين زايد عشنا لخاطر الأنتقام انزرع بداخلنا الحقد

وجد:-بَــس جدو هسه مات وامي سافرت وتزوجت نگدر نعيش حالنا حال البنات اللي بعمرنا يَـعنـي بأيدنا راح ندمر حياتنا

هرم:-مسك تريـد ترجع أملاك خوالي وجدو اللي استولوا عليها تَـره هـيَ جدو حاجيلها شغلات مانعرفها احنا حتى هـيَ هيچ مصممه تدمر شــكوو شخص من بيت فياض آل صحار إله إيد بالجريمه

واذا عفناها وحدها راح نكون نذلات نعوف اختنا بوسط غابة من الوحوش ابسط شـيي شفتي معاذ شـلون طلع كاشفنا بَــس مايعرف موضوع الأنتقام

وجد:-الله كريم نشوف الأيام شضامه

هرم:-لتخافين إحنا مفطومات من سم العرابيد أمنا خيزران الـ**** شتتوقعينا نطلع ملائكه

ديالا:-هــا بــَنات شبيچن تتبسبسن مو عيب اختچن اليوم خطوبتها وانتن ولا يمچن ع الاقل أروحح أگعد يمها

هرم:-يمعوده خطوبه وهميه هــاي ماريـد اكون شاهده على تفاصيلها

ديالا:-معاذ شكد يضوج بمسك وهيَ ممهتمه

هرم:-يجيه الدور هذا معاذ الدوده

ديالا:-لبسها الذهب حتى ماباوع بوجهها

هرم:-عادي واذا ، مليت شــوَكت نرجع للبيت

ديالا:-ماعرف بقت يم خاله نقاء

هرم:-بقينا للمغرب وگالت خاله يـله امشونا نرجع زوجــي ينتضرني وعيب تأخرنا ببيت العالم گاعدين طلعنا من البيت شفنا زوجها واگف بالباب سلمنا عليه ودخلنا للبيت بقى يمنا لليل يله راح هاي كل ماتجي خالتي يجي يشوفها ويروح يشتاقلها .

.
.
مسك:-ثاني يوم عقد المحكمه لبست فستان أسود وخليت مگياج بقت بَــس الحمره فتحتها جاي اخلي دخلت خاله نقاء شهگت من شافت لون الفستان وضربت على خدها