العقاب المتناقض

بارت 10

دارت وجه وراحت وايهاب ضل يباوع وراها لحد ما وصلت لبيتها.. رجع ايهاب لبيته حتى يلبس ملابس الدوام وياخذ كتبه ويروح للمدرسه، اول ما وصل للباب البيت شافته زوجة ابو واجت ركض حضنته بشوق واردفت

: وين جنت طول الليل واني بالي يمك يا يمه والله ما صدكت يجي الفجر واطلع بالباب انتضرك لمن تجي،

رد ايهاب برود: رحت يم صاحبي

: اي الحمدلله بس جسمك ثلج

ايهاب: راح اتأخر عن الدوام جاي اخذ كتبي

: زين تعال اكل لقمه انته من البارحه مماكل

ايهاب: اكلت..

: تمام براحتك يمه ماريد اضغط عليك

*
ام زمرد جانت ضايجه على سمير وتسحن بروحها من القهر علي، راحت للابو سمير جان كاعد ويقره جريده وكفت مقابيله واردفت بنتره

: هسه شلون فهمنييي؟

: خير يا ستار من الصبح

: ابنك جاي تشوف تصرفاته انته!

: اي وشسويله ولد وحر بنفسه شيسوي خلي يسوي عادي

: من كل عقلك تحجي انته؟ يعني عاجبك وضعه انته ملاحض انو ما نشوفه غير بس بالليل لا ويجي حالته حاله من الشرب وانته ولا عبالك تشوف

: يعني شتردين اسويله مثلا، انتي تدرين هوه ميتقبل كلامي ابد من يوم الي ماتت بي علياء بعد شلون ترديني احاجي

: اي طبعا وهل شي بسببك تره لتنكر هل شي، انته دمرت نفسيته زمرد قويه وخلتها بقلبها بس هوه متحمل واثر علي لان علياء التوؤم مالته، انته بهذيج الليله ما قتلت بس علياء لااا انته قتلت سمير و زمرد وقتلتني اني همممم...

شمر ابو سمير الجريده لمن سمع كلام زوجته و زادة رجفة ايده وحس قلبه يريد يطلع من مكانه من قوة الخفقان باوع لزوجته واردف بصوت يرعش

: كاااافي بعد شتردون مني حتى تنسون اشو سجن ودخلت بعد شتردونننن شتردوووون منيييييي... الف مره كتلكم لذكرون هل شي لان اتعب اتعببببب... جسمي كله يصير يرعش انتي ما تفهمين ولج حتى نوم ما شابع من الكوابيسسسس اني جاي اتعاقب يوميه عبالج مرتاااااح والله كل يوم جاي اموت الف موته.. واليقهرني اكثر هوه كره سمير الي الولد الي تمنيته يجي صار اكبر كاره الييي...

: اذا هلكد تعبان من هل شي لعد ليش ما توب وتصلح غلطك اشو نفس الاغلاط جاي تعيدها ويه بناتك ليش ما تحتويهن ليش ما تسندهن بضعفهن حتى باجر يكونن الكم عون وسند ومؤنسات..
شنو فرق سمير عنهن حتى تفضله عليهن وهم ياريت سويته شاب صالح ياريت اشو متيهه ولا تعرف عنه بس منطي مطلق الحريه وخلص انتهت التربيه بالنسبه الك هاي عود يعني هيج يكوم يحبك مثلا...

عصب ابو سمير و وكف على حيله مجمر رفع ايده حتى يضربها وصاح بصوت عالي

: انتي تعديتي حدودج وياي الضاهر يرادلج تربيه من جده وجديددددد...