قصة جريئة جدا جدا 🔞🔞🔞
تعريف الابطال
حوراء: اسمي حوراء عمري 19 من بغداد اول سنة كلية طب معدلي بسادس 99 وحيدة لماما وبابا امي(زينب) أبوية(كاظم)
كاظم (ابو حوراء): اسمي كاظم عمري 45 شغلي ضابط من البصرة
زينب(ام حوراء): اسمي زينب عمري42 جنت موظفة وهسة ربت بيت من بغداد
ملاحظة: (بابا اتزوج ماما على حب أبوية من البصرة وامي من بغداد من اجة أبوية بواجب للبغداد شافهة وحبهة وراح خطبهة وعاشو بغداد لأن شغل أبوية صار بغداد)
عدنة كرايب بابا وبيت عمي بالبصرة بس تواصل مو قوي __________________________________
__________________________________
ليث: اسمي ليث عمري 28 من البصرة ضابط وشيخ من بعد ابوي عندي 3 اخوان و 2 خوات الاول غيث عمرة 27 وثاني حسن عمرة 25 وثالث حسين عمرة 24 و روان عمرها 21 وريان عمرها 19 امي (ليلى) ابوي (احمد)
احمد (ابو ليث): اسمي احمد عمري 58 شيخ عشيرة من البصرة
ليلى (ام ليث): اسمي ليلى عمري 54 ربت بيت من البصرة
__________________________________
__________________________________
نبدأ بالقصة 🔞🔞🔞
حوراء: كعدت 6 صبح سبحت وبدلت ونزلت جانت ماما كاعدة مسوية ريوك
-صباح الخير زوزو
ام حوراء: انجبي ولج شنو زوزو ترة اني امج
حوارء: اي ماما واذا دا اشاقة
ام حوراء: بطلي شقاج وتعالي اكلي
حوراء: تدللين مامي اكلت وكعد بابا وكمل وصلني للكلية وصلت ومر اليوم عادي رجعت للبيت شفتي سيارات باب بيتنة سيارات اشكال انواع وكلهن فخمات ومضللات طبيت للبيت ماما كالت روحي بدلي وتعالي سلمي على بيت عمج تفاجأت لأن تواصلنة وياهم قليل صعدت الغرفتي سبحت وبدلت لبست تراك ضيگ ونزلت طبيت اسلم جان يكوم واحد عضلات وطويل يجنن كال اني اترخص ثواني وراجع عندي اتصال مهم اني سلمت على الكل وطلعت نجرت ايدي حيل طلع نفس الولد كتلة...
____________________________________________________________________
ليث: كعدت صبح ارد اطلع كال ابوي
ابو ليث: ليث وين رايح
ليث: طالع عندي شغلة
ابو ليث: لا وليدي اريدك حتى نروح لبغداد
ليث: ياب شعدنة بغداد
ابو ليث: نروح البيت عمك صار فترة طويلة مشايف اخوي واريدك وياي تروح حتى يتعرفون عليك وانتَ هم تتعرف عليهم
ليث: تدلل ياب رحنة لبغداد وصلنة دكينة الباب وعمي فتح الباب ودخلنة للبيت وسلمنة على عمي وعلى مرت عمي ورة شوي نفتحت الباب ودخلت بنية صدقة شنو طول شنو العيون شنو جمال بس نصدمت من لبسهة تراك ضيگ حيل اني عقل مظل براسي احنة كلهن يلبسن عباية وطويل وعريض ماعدنة بنية بدون عباية وتلبس ضيگ ومخصر انوب تراك ضيگ اني ضجت كلت اني اترخص ثواني وراجع عندي اتصال هو جذب لا اتصال ولا شي ارد احجي وياها طلعت وشوي وطلعت جريت ايدهة حيل كالت...
حوراء: هييي شبيك ايدي
ليث: لج هاي عليمن الهييي ترة راسج اكسرة
حوراء: راس منو تكسر وانت منو وشدخلك
ليث: اكسر راسج شنو هذا لبسج
حوراء: شبي لبسي وبعدين انتَ منو حتى تحاسبني ما الك دخل
ليث: لج حطي السانج بحلكج احسلج
حوراء: والله خوفتني كلش
ليث: لج انتِ تعرفين وية منو جاي تحجين
حوراء: لا ماعرف وميهمني اعرف
ضغط على ايدي حيل مكدرت اوخر ايدي كتلة...
حوراء: اخخخ ايدي هاي شبيك عوفني
ليث: شوفي نقطة راس سطر هذا لبسج تغيري احسلج
حوراء: واذا مغيرتة شسوي
ليث: راح شوفين شي ميعجبج
حوراء: بس خلي شغلة بالك لا انتَ تخوفني ولا عشرة مثلك
ليث: ما اخوفج مو؟
حوراء: اي متخوفني
ليث: اوكي حسابج بعدين هسة اني عندي شغل بس لا عبالج انساها
حوراء: ..... لا كلام
ليث: تعالي لحظة
حوراء: خير شكو
ليث: لج لسانج.. انتِ شنو اسمج
حوراء: اسمي حوراء
راح للديوان واني رحت يم ماما بالمطبخ كتلها..
حوراء: ماما اكلج
ام حوراء: ها حبيبتي كولي
حوراء: منو هذا الولد الجان كاعد بصف عمو
ام حوراء: هذا ابن عمج ليث ضابط
حوراء: داكول ليش شايف نفسه
ام حوراء: ليش يمة اكو شي
حوراء: لا حبيبتي ماكو شي بس لان اول مرة اشوفة
ام حوراء: ماشي... روحي ودي الاكل الهم انطي الابوج
حوراء: ماشي
اخذت الاكل وكفت ورة الباب لان ملابسة شال صحت بابا جان يطلع ليث جان يكول...
