An Old Summer Daydream (Old Summer Trilogy #1)

34

"Yiee..." pang-aasar niya at ngumisi sa akin. 

Napakunot ang noo ko at sinamaan siya ng tingin. "Siraulo..." bulong ko na lang. Wala naman siyang text kaya tinago ko na lang ulit ang phone ko. 

Nagtrabaho lang ako buong araw. Pagod na pagod na naman akong umuwi. Ang dami ko kasing kinakausap kaya nade-drain ang energy ko pagka-uwi. Penthouse ang graduation gift sa akin nina Mommy at Daddy. It was so useful dahil mag-isa lang naman ako kaya hindi ko kailangan magpatayo ng bahay. I started living there ever since I got a job. Mabuti nga at malapit lang ang condo ko sa pinagtatrabahuhan ko. 

"What?" masungit na sabi ko nang sagutin ko ang phone.

[Honey! I'm going there! May dala akong food for you kasi alam kong hindi ka pa nagdi-dinner! Late ka na ulit nakauwi!] energetic na sabi ni Clain. 

"Okay, whatever." Binaba ko ang tawag at naligo na lang habang naghihintay. 

Mga ilang oras pa bago siya dumating. Malapit na mag-madaling araw! Hindi tuloy ako nakapag-dinner dahil hinintay ko ang pagkaing dala niya. Nang makarating siya, nilapag kaagad niya 'yong dala niyang pagkain sa may dining at isa-isa niyang nilabas ang laman. Umupo naman ako sa high-chair at pinanood siya. 

"Hoy, wala ka bang plano mag-girlfriend? Nage-enjoy ka 'atang makipaglaro ng jowa challenge sa akin. Hindi mo ako jowa." Tinuro ko pa siya gamit ang tinidor.

"Damn, I'm trying, okay?! Walang nagwo-work sa blind dates ko. Try to find me a girlfriend, then!" reklamo niya naman sa akin. 

"Mamaya hindi ka pa nakaka-move on sa akin, ah..." pang-aasar ko habang kumakain. I heard him scoff.

"Aw, honey! Of course! Sobrang ganda mo kasi, eh." There was a hint of sarcasm in his voice. Natawa ako nang malakas at pabiro siyang hinampas sa braso. 

"Hahanapan kita ng girlfriend kung hahanapan mo ako ng boyfriend," sabi ko naman sa kanya at ngumiti. "Ayaw ko ng lahat ng ni-reto mo."

"Your standards are too high." Napailing siya. "Where can I find a guy that would pass your standards, huh?!" 

"People like those exist," sabi ko na lang. Well... Based on experience. 

After eating, I heard another doorbell. Tumayo kaagad ako at pinagbuksan sina Seven at Lai. Napakunot ang noo ko, nagtataka kung bakit may dala silang balloons at cake. 

"Happy birthday, Nat!" sabay nilang sabi na parang pinagpraktisan pa nila 'yon.

"Shit..." Napasapo ako sa noo ko. "Nakalimutan ko! Gago ka, Clain! Kaya ba pumunta ka rito?! Hindi mo man lang ako binati!" sigaw ko sa loob ng condo. 

"Hey, kaka-twelve A.M. pa lang!" depensa niya at pinakita sa akin ang oras sa phone niya.

"Thank you, guys. Pasok kayo, dali!" Pumunta kami sa may dining para ilabas ang cake. Pinatay ni Clain lahat ng ilaw at nagsindi naman si Lyonelle ng kandila. May dala pa silang party hat. Natawa ako dahil pati si Seven ay nagsuot noon. 

"Happy birthday to you! Happy birthday to you! Happy birthday, happy birthday, happy birthday to you!" pagkanta nila habang pumapalakpak. 

Pumikit ako habang nagwi-wish. I didn't wish for anything unique. I just wished for success and good health for my family and my friends. Pagkatapos ay hinipan ko na ang kandila at binuksan na nila ang ilaw. Nanguha kami ng pictures bilang remembrance. Hinintay talaga nila ang twelve midnight para mag-celebrate. 

"Okay, I have to go now, honey," paalam ni Clain sa akin. "Happy birthday. I left my gift above the coffee table." Humalik siya sa pisngi ko at nagmamadali nang umalis dahil may pupuntahan daw siya. Hinintay niya lang talaga ang birthday ko.