ကိုယ် မင်းကို ဘယ်လိုဖွင့်ပြောရမလဲ (IQ Team ကစာစဥ်တစ်ခုပါ) (Completed)

133

ရှောင်ကျားရှုကို ရှို့ထျန်းယုအဖြစ် သရုပ်ဆောင်ရန် ဖိတ်ကြားခွင့် ရခဲ့ခြင်းမှာ ကျောက်ချွမ်အတွက်မူ ကံကောင်းမှုပင် ဖြစ်ပေသည်။ အသေအချာ ပြန်စဉ်းစားကြည့်ပါလျှင် မည်သူကမှ သူ့ထက်ပို၍ ရှို့ထျန်းယုဇာတ်ကောင်နှင့် သင့်လျော်လိမ့်မည်မဟုတ်။ သူ့တွင် ရှို့ထျန်းယု၏ အထက်တန်းကျမှုတို့အပြင် ကလေးဆန်မှုနှင့် ရူးမိုက်မှုတို့ပါ ရှိနေသည့်အတွက် ဤဇာတ်ကောင်မှာ သူ့အတွက် သီးသန့် ဖန်တီးပေးထားသည့်နှယ်ပင်။

"မင်းကမှ ဒီနေရာမှာ တာဝန်ရှိတဲ့ ဒါရိုက်တာလေ ငါ့ကိုပဲ အမြဲတမ်း မေးနေစရာ မလိုပါဘူး ..."

ကျိမြန်က ရှောင်ကျားရှု၏ ခေါင်းကို ပွတ်သပ်ကာ ခပ်ဖွဖွ ပြုံးလိုက်သည်။

"ငါ့ရဲ့ filter က ထူလွန်းတဲ့အပြင် စကားလုံးတွေကလည်း ဓမ္မဓိဌာန် မကျဘူး ရှောင်ရှုက ကောင်းကောင်းသရုပ်ဆောင်ခဲ့တယ်လို့ ထင်တာပဲ သဘောမတူဘူးလား ..."

ရှောင်ကျားရှုက သူ့လက်ကို ဆွဲကာ "လောင်ကုန်း" ဟု တိတ်တိတ်လေး ခေါ်လိုက်သည်။ နားရွက်ဖျားနှစ်ခုလုံးမှာမူ သွေးနီရောင်လွှမ်းနေတော့၏။

အား ဒီနာမည်ကြီးက တအားရှက်ဖို့ကောင်းတာပဲ တော်သေးတာပေါ့ ကျိကောက စိတ်ထဲက ပြောတာကိူ မကြားလို့ ...

ကျိမြန်လည်း တစ်ခဏ ကြောင်အသွားကာ သူ့နောက်စေ့ကို အုပ်ကိုင်လျက် စိုစွတ်လှသည့် အနမ်းတစ်ပွင့်ကို ကူးသန်းပေးလိုက်တော့၏။ မှေးလုမှေးခင်ဖြစ်နေသည့် အကြည့်တို့မှာမူ တောက်ပလှသည့် ပြုံးရိပ်တို့ ပြည့်နှက်နေပေသည်။

ဒီကလေးကတော့လေ သူ့ကို မစဘဲကို မနေနိုင်ဘူးလား မသိဘူး ဒီတိုင်းသာ ဆက်သွားနေရင် နှုတ်ခမ်းတွေ ယောင်ကိုင်းသွားတဲ့အထိကို နမ်းမိတော့မှာ ...

ကျောက်ချွမ်မှာမူ သူ့မျက်လုံးတို့ ကန်းသွားတော့မည်ဟုပင် ခံစားလိုက်ရတော့သည်။

စောက်ကျိုးနည်း ဒီခွေးကောင်စုံတွဲကို ဘယ်သူမှ အပြင်ထုတ်ပြီး မီးရှို့မပစ်ကြတော့ဘူးလား စောက်ရမ်းကို သည်းမခံနိုင်စရာ ကောင်းနေပြီ မင်းတို့မိသားစုက ခွေးစာကို အဓိကရောင်းနေတာ မဟုတ်လား ...