معشوقي كلي معاك معاك حتى الهلاك

خلود : والله ياعليه كلام يذبح
ديما : الصوت عذاب
ريناد : الأسلوب
وتين : هيه إنتي وياها ترا خطيبته موجودهـ
لما ناظروها البنت مو عندهم بـ وادي ثاني هيمانه بـ الصوت والأسلوب وقبل هذا الشكل ..
وسن : لا بـ الله طاحت البنت وما أحدد سمى عليها
وتين : من جد حالتها يرثأ لها
أمل : إنتو الثنتين لا تتكلمون ..
وتين : ليش إن شاء الله ؟؟
أمل : لإنكم ماتقدرون هـ الشعور
وسن : اي شعور ؟؟
أمل : شعور إللي ينخطبون ويتملكون ويتزوجون ..
وتين : ماله داعي نقدر شعورهم
وسن : صح مو مضطرين نقدر مشاعرهم
خلود عشانها مخطوبه : ليش إن شاء الله .. لايكون ما راح تمرون بـ إللي نمر فيه إحنا
وتين : أكيد ما راح نمر فيه
وسن تبوس وتين : يسلم لي الفاهم
وتين : إذا عاجبتك أعيدها ..
وسن تستهبل عشان ترفع ضغط البنات : حياتي وإذا عاجبتك البوسه أعيدها ..
وتين يقال إنها مو فـ جوهم : ياعمري عليك .. ياليت ..
وسن : روحي ماطلبتي شيء وتبوسها مرهـ ثانيه
البنات انقهروا من فصل هـ الهبنتين عن إللي حولهم .. وقاموا راحوا لـ أمهاتهم .. ووتين ووسن يضحكون عليهم ..

بعد العشاء طلعوا أبو الوافي والوافي وأسامه وطلع معاهم أبو خالد وعياله وأبو فارس وأبو سعود وأبو تركي وأبو راشد ..
عند الباب .. أبو الوافي : كثر الله خيركم .. ولا تنسى الموضوع ..
أبو خالد ملاحظ إنو الولد ميت ع نسبهم : قليل بحقكم هـ الضيافه .. وإن شاء الله برد عليكم بكرهـ ..
أبو الوافي :: أجل مع السلامه .. وسلموا وطلعوا ..
ودخلوا المجلس
أبو فارس : شيبي أبو الوافي ؟؟
المجلس صار هدوء عشان يسمعون شيبي
طبعاً حاتم اتصل فـ خالد وخبرهـ شـ يبون .. وإلا باقي أولاد العائئله مايدرون ..
أبو خالد : يخطب وسن لـ الوافي ..
الشباب يناظرون بعض مصدومين ..
أبو تركي : عطيتهم كلمه
أبو خالد : الرآي رآي وسن .. وبشوف شـ تقول وبرد لهم بكرهـ إن شاء الله ..
أبو سعود : مستعجلين ؟؟
أبو خالد : الولد مستعجل .. ويقول إنو ماراح يصير زواج لما تخلص دراستها الثانويه .. وكل إللي تبونه حاضرين فيه ..
تركي بطبعه الرجولي : ما شاء الله باين إنه طمعان بـ نسبنا ..
أبو خالد : هذا إللي شفته فيه .. والشهادهـ لله إنه عن ألف رجال ..
أبو تركي وابو فارس وأبو سعود وأبو راشد : صادق والنعم فيه ..
سعود بصوته الكبير شوي : لكن خطبه ع خطبه ماتجوز
أبو خالد : من إللي خطبها وعطيناهـ كلمه ؟؟
سعود : راكان ولد عمها
أبو خالد : راكان خطبها قبل سنتين ولا عطيتهم موافقه لإني كنت بـ شوف إذا يبيها من جد وإلا عادي .. وهذا أنتم شاهدين بعدها مافتحوا فمهم بكلمه .. وما راح أنتظر راكان ليما يقرر يخطب ويشرفني هذاك الوقت .. أـنا ما اقول فيه شيء ..راكان والنعم فيه رجال والكل يشهد له بـ أفعاله .. لكن بنتي فوق كل شيء ..
سكتوا من قوة كلام سُلطان ..
وسام يتكلم بخوف ع أخته : طيب يبه يمكن ماترضى إهي رفضت قبله كثير ..
الشباب متأكدين إنها ماراح توافق .. مايدرون شـ إللي أستجد بينها وبين راكان ولا يدرون إنها أنضمت للمعقدين ع مسمى عمتهم أم سعود ..
أبو خالد : أهم ماعلي راحتها .. إذا رفضت .. ربي ماكتب نصيب وإذا وافقت الله يوفقهم ..
أبو سسعد منقهر وإذا رفضت وسن هذا مستحيل يجي لها واحد نفسه : البنت مردها تتزوج .. وعن الدلع الزايد .. كل بناتنا بنزوجهم .. انتم ما راح تعيشون لهم العمر كله .. كل وحدهـ تتزوج ويستر الله عليها .. والوافي .. مايعيبه شيء ..
أبو خالد مستحيل يغصب وسن ع شيء ماتبيه : الله يطول لنا بعمرك يعني أزوجها غصب عليها ..؟؟
حاتم بعقله الكبير : جدي قصدهـ إنها لـ متى بترفض .. مردها تتزوج .. عشان كذا جدي يبيها توافق ع الوافي ..
أبو خالد : هذي منك يـ أخوها .. تبيني أغصبها ع شيء ..
حاتم : الله يخليك لنا .. اـنا أخوها أخاف ع مصلحتها مثل ماتخاف عليها إنت .. لكن كل إللي تقدموا لها مستوياتهم كبيرهـ ولا رضت بـ واحد منهم ..
أبو خالد : بعدها صغيرهـ
الشباب مستمعين للنقاش الحاد ..
خالد : الله يخليك لنا .. إحنا نبي لها الزين .. والوافي مافي مثله .. تربيته ما شاء الله نفس تربيتنا إللي إنت تبيها .. شنبي أفضل من كذا لا يدخن ولا يعرف بنات ولا حق سفرات للوناسه واحد أكبر همه سمعته وسمعة أبوهـ { حاتم وخالد لـمتى بـ بنتظرون راكان إللي ماتكلم بعد هذيك المرهـ }
أبو خالد بقوته المتعودينها :: قولوا إنكم ماتبون تشيلون مسؤوليتها بعد ما أتركها لكم .. { وهذا إللي خايف منه مع إنه مربي عياله ويعرفهم زين }
خالد : بعد عمر طويل إن شاء الله .. إحنا بس خايفين عليها ماندري شـ إللي مخبيه لنا الزمن ..
فارس : صادقين ياعمي .. الوحدهـ شـ تبي أكثر من كذا .. أفضل من إنو يجي لها واحد طايح فـ حركات المراهقين .. وتبتلش فيه ..
أبو سعود : لـ متى يـ أبو خالد ؟؟ تعرف الناس إذا عرفوا إن خطاب الوحدهـ كثار وإهي جالسه ترفض فيهم .. بيتسألون .. وبعدين بيقلون خطابها وماهي محصله أحد بعدين ..
أبو خالد: إنتم شفيكم .. البنت توها داخله الـ 18 سنه ..
أبو فارس وخوفه ع بنت أخوهـ من كلام الناس : صغيرهـ ولا تعرف مصلحتها ..
أبو خالد وصل حدهـ لكن متماسك : يعني أزوجها غصب ..؟؟
تركي يتكلم واهو عارف إنها ما راح توافق ع الوافي لإنها لـ راكام : الله يطول بعمرك ما أحد قال أغصبها .. لكن فهمها إنو ما أحد جالس لها .. ومردها متزوجه ..
أبو خالد: أنتم ماتدرون .. وسن عندي غير .. مستعد ارهن حياتي عشانها .. ما آبيها تتزوج أي واحد .. آبي لها واحد يعرف قدرها زين ويعرف إن هذي عيوني إللي أشوف فيها ..
أبو سعد :الأبو غير عن الزوج .. يعني تبي واحد مثلك مستحيل ..
أبو خالد : أـنا شفت إللي آبيه فـ الوافي .. لكن إذا رفضت ماراح أجبرها .. وقفلوا الموضوع ..
سكتوا كلهم لإنه عرف عطاهم الكلمه إللي تسكتهم .. جلسوا شوي وطلع أبو سعد لـ جناحه ينام .. وطلعوا الأباء لـ بيوتهم وأبو خالد دخل بيته .. والشباب جلسوا شوي يسولفون ..