الـرقطاء وكراتها الثلاث

اللـدغه الرابعة عشر🐍

باوعت لمسك شفتها دايخه وتحاول توگف على رجليها لكن محاولتها فشلت تريـد تحچي ومتگدر زمجرت بيبي مرمر بصوتها العالي وقابلوها ولدها بالتجاهل

-ولكمم ماتستحون تتعاركوه على منو يبقى ويانه روحوا ماعايزيييين الكمم الله لايبارك بيكم ما اقبل واحد منكم يبقى هنا حتى لو تصالحتوا يــله بررررررررا

ديالا:-رحت ويه البنات نفاكك بينهم واحد ميوگع ضربه ولا كلمه للثاني راد محمد يضرب فارس على وجهه خليت روحي بمكانه وعبالي مراح يضرب بَــس ضربني على عيني عطت من الوجع دارني فارس عليه يريد يشوف شبيه

محمد استغل الوضع وضربه على ضهره بقووووه فارس ثار غاضب وهجم على محمد ولأنو فارس اضخم من محمد مدده بالگاع وراد يدوس ببطنه وهو يتمتم كلمات مامفهومه بعصبيه رحت لزمته من كتفه وگـلتله بتوسل

-خالو عوفه فدوه وراه عرس شبقيت بيه كافي هــاي عود انتوا اخوان

مرمر:-لاا لاا خليهم واحد يكتل الثاني نشوف تالية الأخوه الاعداء وين توصل ولكم شِــنو هــاي ماچنت متخيله هيچ تموتون ع الفلوس وتضوجون من مسؤوليتي أنـي ورفيف

ديالا:-ابتعد فارس عن محمد وصاح بصوت رجّ البَـيت رَجّ

-والله ثمَ والله يامحمد الفلووس ماتلزم من عدهم ولا ألف احمررر واذا اخذت اخلي دمك بطولك وهذا شاربي مو عليه اذا خليتلك شـيي

سمع محمد كلام اخوه گام من مكانه ودفعه

-كلشييي اتووووقع منك ، هــاي الهوسه كلها لأن گلت اريد اتزوج عميي أنـي بأيدي أزينه الك شاربك واريد اعرف منو ميقبل اخذ فلوس

فارس ضربه ومحمد وگع ضلّ يغلط ويسب بيه مرمر ضلت تنوح وتبچي