يوم العرس
الساعه 5:22 العصر
كل العايلتين كانو بالقاعه الي بيصير فيه العرس عشان يتجهزون
خلصو البنات كلهم من الميكب والشعر عالساعه 7:56
بدو المعازيم يجون عالساعه 8:15
وكانو ام نايف وام مُلهم يستقبلون ضيوفهم والبنات يصورون مع جوري
بنص تصويرهم دق جوال وتين وكان محمد
وتين : هلا ميمو
محمد : وتينو اي احد بالغرفه اكرشيه وخليه يطلع
ضحكت وتين : وراه
محمد : نواف بيدخل
وتين : اها تمم
قفلت وتين وقالت للبنات انو نواف بيجي
طلعو كل البنات وبقى ملك مع جوري
ملك : جوجو تبغين شي قبل اطلع ؟
جوري : لا سلامتك
فتحت ملك الباب وشافت نواف واقف قدامها
وخرت عن الباب ودخل نواف وقفل الباب
مشت ملك بتنزل تحت الا تصقع بصدر ولد
ملك : ياملا العمى الي يعميك ماتشوف انت!
محمد وهو مخروش : مملك! بسم الله عليك اسف ما انتبهت جاك شي!!؟
تفشلت ملك يوم سمعت صوته : ها لا لا ماجاني شي
محمد : اسف والله ماكنت مركز صدق اسف
ملك : يبوي لاتتاسف خلاص اقول ماجاني شي
محمد : ابشري
طالع محمد فيها وبشكلها وابتسم وهو خاق
ملك : خير ؟
زل لسان محمد : شكلك حلو
ملك : هااا!
استوعب محمد شقال : اءء يعني طالعه حلوه اقصد يعني حلو حلو عرفتي
ابتسمت ملك بخفيف بس حاولت ماتبين : اي زين
نزلت ملك تحت ومحمد برضو نزل
عند الحلوين
كانت المصوره قاعده تصورهم بس ولا صوره كانت تضبط بسبب ربكه جوري وتوترها منه
تكلمت المصوره بعصبيه : ياختي ممكن تبتسمين وتُدركين العالم الي حولك وتتركين توترك ؟؟
جوري : معليش اسفه بس راسي مصدع والله مو قادره اركز
نواف : خلاص روحي خمس دقايق ونكمل
المصوره : تمام
طلعت المصوره وتركتهم لحالهم
لف نواف على جوري : شفيك ؟ شبلاك مرتبكه كذا
جوري : قلت راسي مصدع ؟
نواف : خلي الصداع على جنب وركزي عالتصوير خلينا نخلص مابقى شي عالزفه
طالعت جوري فيه بعصبيه : انت شبلاك متحمس كذا !؟ لهدرجه تبغاني ؟!!
قرب نواف منها وهمس لها : انا ابغا الجن الازرق ولا ابغاك
ابعد عنها وابتسم بخفيف : بس ابغا اخلص بسرعه وينتهي هاليوم الزفت
طالعت جوري فيه وتكلمت بثقه : صدقني انا انتضر اليوم يخلص اكثر منك لان مافيه اي يوم بحياتي بيكون اسوء من هاليوم
هز نواف راسه : اتركي التوتر عنك وخلينا نخلص ونفتك احنا الاثنين
سلكت له جوري ونادت المصوره
وصورو صور تجنن وحلوه مره وجاء وقت الزفه
طلعو من الغرفه وجوري رجع لها التوتر وهالمره بدت ترجف
مسك نواف يدها بعد ماشافها شلون ترجف : اهدي
طالعت جوري فيه وزاد توترها من قربه ومسكته ليدها
اشتغلت الزفه ونزلو مع بعض
مشو وهم ماسكين يدين بعض لين الكوشه وقعدو
جو اهلهم وسلمو عليهم واخوانهم وخواتهم
وصورو مع اهلهم وقعدو يسولفون
وجوري كانت شارده تفكر وكانت متوتره
لكن مو متوتره من نواف كانت متوتره من زياد وتهديداته
اخر رساله وصلت لها منه انه بيجي بيوم العرس ويذبح نواف
عشان كذا كانت هي من بدايه اليوم متوتره وخايفه
طلعها من شرودها صوت صراخ قوي
طالعت قدام وشافت زياد قدامها
ارتبكت يوم شافت بيده سلاح : زياد لا
زياد : انا قلت لك انتي لي ويحرم عليك رجال غيري
جوري : زياد لااااا! هو ماله دخل اقتلني انا لكن هو ماله دخل
زياد : هو الي اخذك مني هو الي حرمني منك! لاتقولين ماله دخل!!
صرخت جوري : تكفى زياد والله ماله دخخل
زياد : فات الاوان
قال كلمته هذي وماسمعو بعدها الا صوت طلقه جاي من المسدس الي كان موجه على نواف
صرخت جوري وحاولت تقوم نواف
حست بيد تلمس كتفها ترجعها للواقع : اشفيك وين سارحه ؟
جوري : نواف! لا لا ولاشي
نواف : انتي بخير ؟
جوري : اي اي ماعليك
نواف : طيب يلا قومي نروح الفندق
قامو هم الاثنين وطلعو عشان يروحون الفندق
بدو اهلهم يودعونهم واهل جوري يوصونه عليها
نواف : لاتخافون جوري بعيوني
محمد : قسم بالله لو ماحافظت عليها اني لافقع لك عيونك
عبدالاله : وانا مو بس افقع لك عيونك امردغك مردغه
مُلهم : وانا تعرفني بمسكك واتوطاك
نواف : لا اله الا الله الحين انا مب نسيبكم ؟ شبلاكم علي تقل بتذبحوني!!
عبدالاله : ايه هذا الي بيصير لو تزوجت اختنا
نواف : الله حسيبكم انت وياه
عنود : انتبه لبنيتي يانواف ولاتزعلها ترا حساسه وتزعل بسرعه
نواف ببتسامه : ابشر يعمه بعيوني والله ماعليك
اما جوري كانت شاارده وابدا مو معهم وتفكر
نواف : يلا جوري
هزت جوري راسها وركبت السياره
وركب نواف وحركو
تكلم نواف بعد صمت طوييل : شفيك طول العرس شارده ومو على بعضك؟
جوري : مافيني شي ومالك دخل
نواف : الحمدالله والشكر مريضه انتي!؟ قاعده اسالك باحترام ردي باحترام
جوري : ماني مجبوره ارد عليك ولا اكلمك حتى واسكت مابي اسمع صوتك
نواف : صدق انك مجنونه عساس انا الي ابغا اسمع صوتك ومتلهف عليك!
جوري : كل تبن بس
طنشها نواف وضلو ساكتين لين وصلو الفندق
دخلو مع بعض ورقو لجناحهم
دخل نواف ورما نفسه عالسرير بتعب : اوف يالتععب
جوري : ممكن ماتوصخ السرير ؟ لاني بنام عليه!
نواف : وش شايفتني اجرب ؟
جوري : يمكن ، قالت كلمتها ومسكت فستانها ودخلت الحمام بتغير
نواف : ياربيه انا تزوجت لي بزر!
جوري بصراخ من الحمام : سمعتك وبعدين انت البزر
طنشها نواف ونزل ثوبه عالكنبه وانسدح عالسرير معلن استسلامه للنوم
٨:١٢ الصباح
قام نواف على صوتها وهي تنادي اسمه ورا بعض وتضربه بالمخده
نواف وهو يكح : الله ياخذ العدو كتمتيني!!! شتبين
جوري : قووم ابغا افطر
طالع نواف الساعه : مريضه انتي! الساعه ثمان!!!
جوري : واذا ؟؟ يلا قومم تاخرنا عالمطار
نواف : نامي الله يصلحك الطياره الساعه عشره
جوري : بسببك استاذ نواف اليل كله مانمت! ماخذ السرير كله وتاخذ اللحاف بعد!
رجع انسدح وتغطى : خلاص قعديني تسعه
ضربته جوري بالمخده : انا قلت الحين يعني الحين
تافف وهو ينفض البطانيه عنه ويقوم : لحوووول
جوري : اص بس
وخرت جوري عنه : يلا انا بروح اسوي شعري واحط ميكب وانت تروش والبس عشان نطلع
نواف : وين نروح ؟
جوري : نروح نفطر
دخل نواف الحمام وتروش وجوري سوت شعرها وحطت ميكب
طلع نواف من الحمام وتكلم وهو يجفف شعره : خلصتي ولا؟
جوري : باقي السلسال عييا يسويي
نواف : سهله لاتلبسين
جوري : عادي تجي تربطه لي🥺
طالع نواف فيها وكان بيقول لا بس مايدري ليه قال طيب
قرب منها واخذ السلسال من يدها
نزل السلسال على رقبتها وحاول يربطه
بس كان صغير ومو راضي ينربط
نزل لمستواها وقرب منها اكثر يحاول يشوف عشان يربطه
وهو يحاول جذبته ريحه شعرها
قرب منها اكثر يستنشقه
استوعب على نفسه وابعد بسرعه
جوري : شفيك ؟
نواف : ع عجست عجست اسويه خلاص مو ضروري
جوري : طيب
نزلته جوري وقامت : يلا انا جاهزه
نواف : دقايق بس بلبس
دخل نواف الحمام ولبس شورت وبلوزه وطلع
نواف : يلا البسي عباتك
لبست جوري عبايتها وطلعو مع بعض
راحو يفطرون وبعدها رجعو الفندق واخذو الشناط وتوجهو للمطار
-
انتهى
اعذرونا عالقطعه كانت فتره اختبارات ❤️
+ عدلو الددعم
