كنت لي عّدو واصبحت لك ضمّاد جرحك

بارت ( 4 )

انتضرو البنات فوق النص ساعه وبعدها جو العيال
اشرت لهم ملك وجو قعدو عالطاوله
جوري وهي تطالع بنواف : بدري ؟
نواف : اخوك كان نايم
جوري : دامه اخوي عوافي
ملك : يابجيحه هههههههههههه
ضحكو كلهم ماعدا نواف الي كان يطالع بجوري ومستغرب من كرهها له
رغم انه ماسوا لها شي
صح انه هو بعد ماكان يحبها بس ماكان حاقد عليها كذا
طلبو اكل وقعدو يسولفون ويضحكون
بنص سوالفهم جت لجوري رساله
بالبدايه جوري طنشت وكملو سوالف
بس بعدين كثرت الرسايل وانزعج نواف من كميه الرسايل الي توصلها
نواف بنرفزه : مين هذا الي يرسل لك ؟ ردي عليه صجنا
طالعت جوري بجوالها وارتبكت لما شافت الاسم
جوري بتوتر : محد وحده من البنات تبغى الواجب
طالع نواف فيها ولاحظ توترها بس ماحب يقول شي
جاء الاكل وبدو ياكلون
ماعدا جوري الي كانت ماسكه جوالها وواضح على ملامحها الخوف
لاحظها نواف وقام : ملك
طالعت ملك فيه : هلا ؟
نواف : بادليني
ضحكت ملك وطالعت بجوري وقامت قعدت مكان نواف
قعد نواف جمب جوري وهي قفلت جوالها وحطته عالطاوله
قرب نواف منها ومسك يدها وهمس لها : شفيك متوتره ومربوكه كذا ؟
سحبت جوري يدها : مافيني شي
نواف : طيب ليه ماتاكلين ؟
جوري : مب مشتهيه
سكت نواف وبعد ربع ساعه
محمد بصوت مرتفع : لوسمحتي
قربت الموظفه وعلى وجهها ابتسامه عريضه : تفضل
محمد : ابغا الحساب
راحت تجيب الحساب
نواف : انا وجوري بنروح نشتري الطقم
وطالع بمحمد وكمل : محمد وين بتروح؟
محمد : يمكن ارجع انام بس ليه
نواف : ابيك تروح مع ملك بالله مابيها تروح لحالها
ملك بضحك : وااي اخوي خايييف علي
ضحك نواف وطالع بمحمد : ها شقلت ؟
محمد : خلاص ابشر
جابت الموظفه الحساب وحاسب محمد
محمد : مشكوره
الموظفه : العفو واتمنى يكون عجبك الاكل
ملك : ليه عجبه هو بالذات ليه ماتسألينا كلنا ؟!
طنشتها الموظفه ورد محمد عليها ببتسامه : كل شي كان حلو يعطيكم العافيه
الموظفه : الله يعافيك
ملك : اي خلاص ممكن تروحين ؟
شمقت لها وراحت
ملك : يع المعتوهه ذي بقوم عليها تراني
محمد : يابنت الحلال ماسوت لك شي امشي بس
قامو ملك ومحمد وطلعو
نواف : جوري
جوري كانت سرحانه فا ما انتبهت انه يناديها
دقها نواف على كتفها : جووري ؟
جوري : هلا هلا
نواف : يلا نروح ؟
جوري : وين ؟
نواف : سوق الذهب
جوري : اها تمام يلا
طلعو من المطعم ومن المول بكبره وركبو سياره نواف وحرك للسوق

وصلو ونزلو ودخلو محل
نواف : السلام عليكم
الموظف : وعليكم السلام
وجوري ماهي يمهم ابداً
نواف : جوري شرايك بذا الطقم؟ احسه راقي وبيطلع مره حلو علييك!
انتبه نواف انها عقلها مو معها من الاساس
حرك يدينه قدام عيونها : بنت اسولف معك
جوري فزت : هلا هلا
تنرفز نواف ومسك يدها وسحبها برا المحل
نواف : شفيك اسولف معك وسرحانه لو ماتبيني اكون موجود معك بدق على ملك تجي معك
رفع نواف جواله بيدق على ملك
مسكت جوري يده ودموعها بعيونها
جوري : مافييني شيء ياخي! خلاص وش كنت تقول
نواف شاف دموعها وغير الموضوع : ابغاك تختارين شي يناسبك
جوري بتنهد : طيب
دخلو للمحل مره ثانيه وهالمره وقف نواف بعيد عنها عشان مايوترها
وبعد ربع ساعه قرب نواف منها
نواف : ها يجوري عجبك شيء ؟
جوري بعدم تقبل : مافي شيء حلو
نواف : تبين نروح لمحلات ثانيه يحبيبي ؟ فيه افضل تعالي
مسك يدها وراحوا لمحل ثاني
كانت جوري مستغربه من حنيته هو بالعاده رح يقول لها بكيفك ويسحب عليها
لكن وقتها نواف كان خايف يجرح مشاعرها لانه شافها انها مو على بعضها
وماكان يبغا يزيدها عليها