قيود العوف

بـارت هديـة

-مصطفىٰ: كلوووووووووش يمه وليددددي يمههه هلاااا

سكتنة الديجي والفرقة وبقينة نهوس والقااااعة كلهااا تهوووس ويااانة والصووت صار طااغي بالحماااس والفرح...

انداريت و وگفت وهنا مادري شنو شعوري أختلط وامتزج وانخبط وانشلشش من صار وقت دخولية مصطفىٰ اي لتستغربون انا ردت دخوليتي بالبداية وحدي ردت اتميز واتصور بيها بعدين تصير النا دخولية مختلفة هو الي يتقدم ألي..

هدأت القاعة لدقائق عقدت حاجبي من راحت جُمان وبعدها سبقتها منار هنا ماعرفت شكو توترت صرت افرفر بنظراتي... بس لثووواني ثووواني وانخبصت القاعة حرفياً اتلفتت بنظراتي علىٰ الخبصة هاي تجر بشالها وهاي تغطي التشلح وهاي تضمضم بروحها وتحصر بيها هنا وهنا..

-منار: حجااااباااااتككمممم رجاءً غطوا سيقانكم زنودكم لا يتطشررر العررررض

-جُمان: العرررض بناااااااات الا العرررض تستروووا

وبعدها بدقائق ماسمعت غير صوووت الفررررقة الشبابية الي فاتت وياهم هزووا الحضور هزز بالتطبل والتدگدگ اتوسعت ابتسااامتي ورجفت رجفتتت بفرررح من اتقدم مصطفىٰ وعلىٰ جهتة اليمين متقدم وياه العوف وعلىٰ اليسار قاسم والفرررقة فاااتت وراهم تمشي ويدگدگون حييل ويهووسوون..

-جميلة: هلااااا هلاااااااا

-ام مصطفىٰ: زين الشباااان يمممه هلاااااااا كلللووووشششش

اعتلت أصوات الهلاهل واصوات الفرقة والتصفگ والتهوووس يبوو يبوو غورگت عيوني متتت فررح وفخر بهلدخوليية الي رجفت گـلبيي بقيت ثابتة بمُكاني بس اي هنا رجفتت ماگدرت حاولت حاووولت بالگووة اسيطر علىٰ دموووعيي..

وگفوا من صاروا قريبين عليه ، تقرب الي العوف وگف گدامي جر نفس عيونة خلتني انتهي كتلتنييي ذبيييت روحي بحضنة سريع ، دموعي طاااحت مني غصب هلمرة مو خوف ولا توتر بس موقفي ويااه وشعوري هو السبب...

أبتعد عني مد ايدة مسح دموعي وعيوني متعلگة بعيونة همس بصوت مبحوح كاتم عبرتة بصعوبة..

-العوف: رغد عمري

-رغد: ابوي انتَ

ابتسم بوجهي ابتسامة واسعة ورجعت حضنتة اتمنيت ماعوفة روحي من الدنيا ..

-العوف: حبيبتي الله يوفقج ويسعدج رغدي

-رغد: فـدوه... فدوه اروحلك

حچيتها وكملتهة بصعوبة وصوتج متشحرج..