قيود العوف

بـارت هديـة

فستاني مختلف سادة بعيد عن الهوسة والتصميم الكثير الي يكون بالفساتين كل تفصيلة بهلفستان انضافت بطلب مني وعلىٰ ذوقي تم تجهيزة ألي مخصوص مثل فستان الحوريات سادة من يم الصدر وعلىٰ الردن لمسة فنية بسيطة هادئة ومُريحة للعين ، مشدود من جهة خصري ، ونفشة بسيطة من الأسفل ميزني وطلعت فعلاً حورية بهلفستان..

-والله ابنج صايد اله صيدة فد مچنصة

-هم دارسة ومثقفة ومحامية وحلوة حلووووة شتردييين بعد

-ام مصطفىٰ: چا ابني جاي من ورة الطليان ؟؟

-لا والله شاب مرتب ويطگ بالگاع ضابط ورتبتة عالية ومثقف وجيبة متروووس اهم شيء

-فلك الفلكج راح ابنييي يسنيدسس

-لايگييين لايگييين اثنينهم

گالوا هلكلام نسوان من المعازيم لخالة ام مصطفىٰ بضحك وحرشة أكيد تعرفهم لأن صارت ترد بضحك .. ابتسمت علىٰ كلامهم وخالة راحت رفعت ردن أيدها وحطت عكسها بوجهة وهنا فطسنا ضحكك...

-ربي كفيني شر المسموماااات هذا فااالجننن راح ابنيي يمه مصيطف يمه

-جميلة: نطگت ليزر بنتيي وعلي نطگتت عين سندددس انوووب

صفنت ياا منووو هاااي سندس الي حتىٰ الحجية تعرفهاا اشوو انا اول مرة أسمع بيها واشووفهاا... صدگ لو گالتلي الحجية انتِ طامسة لأن من الشغل للمخدة من المخدة للشغل...

-ام مصطفىٰ: اسم الله علىٰ ابنيي من عين السعلوات المدهورات صلن علىٰ محمد شماالجن خاايبات يوووع

-أدري فوگ ما امدحة الچ

-ام مصطفىٰ: شتمدحين بمصيطف ؟؟ ولج ياهوو المايمدح بيه غير انا امة أنام واكعد علىٰ صيتة اليرفع الراس ابنييي الهيبة الكفوو

-ماچذبتيي صدك هيبة وكفووو

-ام مصطفىٰ: چا شلووون تربيتي

-ومرتة هم هيبة وشخصية من نظراتها وگعدتها مبينة

-ام مصطفىٰ: لا انتِ اليوم انيم عچسي بعييينج ولج سنيدسس

گابلت الحجية وخالتي ام مصطفىٰ وگعدت تسولف وتضحك، ماعرفتهة منو بس الظاهر يحبوهة ومتعودين علىٰ جوها وسوالفها وانا هم تونست يعني واحد ويمدحك شيصير بيك غير ترفرف يبووو..

فزيت بنص ضحكتي علىٰ ايد جُمان الي صارت فوگ أيدي شددت عليها وهمست..

-لتخافين