الكاتبة موج الساعدي
قراءة ممتعة
البارت الـ20
.............................
بعد انفصالي من الياس تأذيت كلش مو لان عندي مشاعر حب بأتجاهة لا بس تأذيت لان مستكثرين حتا الراحة علية، انكسارات متتالية من وفاة توأمي ولحد الان كل ماكول هاهية اتخطيت يصيرلي شي ويرجعني لـنقطة الصفر بيت جدي ما ادري عنهم اي شي حتا الين مشايفتها وصارلي 5 اشهر تحديداً
الياس بعد الصار لكيتو حاضرني من كل برنامج رياحين حاولت هواي تتصل علية هواي بس ماچنت ارد وحتا الشريحة مالتي كسرتها وذبيتها بقيت اتواصل فقط وية سيدرا الي بعد اخر مشكلة هوا حاولت تصالحني وتحاولت اتناسى الموقف وبس
بيوم چنت ما نايمة نهائيا وحيل مريضة جسمي مكسر وچانت عندي محكمة
رحت وبعد ساعات طويلة خسرت القضية وچانت هاي اول قضية اخسرها
بسبب الادلة مالتهم چانت حيل ضعيفة بالنهاية المتهم انحكم وخسرت القضية رجعت للبيت منهارة كوا اسوق ايدي ترجف ماكدر اسيطر على شي ارتخت ايدي وماسيطرت على السياقة وسويت حادث
چان هذا اخر شي اتذكرة وبعدها گعدت لكيت نفسي بالمستشفى الوجع ينهش بجسمي كمت اشهك من الوجع شافتني ممرضة اجتي علية
: شنو يوجعج؟
حاولت احچي ماكدرت أشرت على ايدي هزت راسها وكالت
: ايدج مكسورة حبيبتي شي طبيعي توجعج راح انطيج مسكن
الحادث چان مو كلش قوي فقط ايدي متضررة ورجلي بيها خدوشات ومضمديها
انطتني مسكن شوي وبدة جفني يثكل وغفيت
گعدت من حسيت بصوت كلش قوي لكيت الممرضة كدامي
: عمري عندچ احد نتصل علية يجيج؟ راح يصير يومين انتِ بالمستشفى
هزيت راسي باستهزاء وكلت
: - اي عندي بس اريد تلفوني
:- هذا تلفوني اتصلي منة يما اشوف الاستعلامات
هزيت راسي واخذتو منها واتصلت على سيدرا
: - الو
ناردين: الو سيدرا
:- منو؟
ناردين: نارة ، تگدرين تجيني للمستشفى
:- شبيج نارة ليش متصلة علية بهذا الرقم بعدين شتسوين بالمستشفى بيج شي احچي؟
اتنهدت وكلت
ناردين: بس انطيني مجال، سويت حادث
صاحت بقوة بحيث الطبلة حسيتها انزرفت بسرعة سديت التلفون بوجها
YOU ARE READING
المَليح 611 ( قيد التعديل)
Romanceمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
