الاطلس "دمليج أسود"

Part 36

رجعت اباوعلهم انتبهت للاطلس يبتعد عنهه وموخر ايدهه عن فخذه بس رجعت تقربت منه وهي تحجي صارت بعد اقرب من قبل شوية..

-مريم: لا لا رايحة اطيح حظههااا

-مريم الله يخليج حبابة لننفضح مريم

-تقبلينن وحدة تكعد بحضننن رجلچ سارة!!

-لا اكيد لا بس...

-ماكو بس ماكو اني اعلمهم

طلعت للصالة واني مثل ذيلهه اركض وراهه انرعب من هالمواقف خصوصاً اعرف ابوية شكد يحب نورسين خايفة يفشل مريم ويجرحهه..

-مريم: احم حبيبي

باوعلهه اطلس فاتح عيونه ابتسمت وكعدت بصفه كلش همستله شي ما لگفت الكلمة شنو بس اطلس صفن على حلگهه..

-مريم: نورة شلونچ

-نورسين: بخير

-مريم: شكد وناسة راح تباتين هنا حبيبي اطلسي تبات ويانة بغرفتنه؟

-الاطلس: هاا؟

-نورسين: شلون يعني ابات بغرفتكم

-مريم: ههههه يعني نطلع اطلس ونبقى اني وياچ

-نورسين: ها لا ماكو داعي

-مريم: اكيد متردين تنامين ويه اطلس بنفس الغرفة مو؟

-نورسين: عادي متعودين احنه

-الاطلس: نورسين انتِ مو عندج شغل باجر؟

عضت شفتهه مزعوجة من كلامه، بينما هو دار كله جسمه على مريم وشبه حاوطهه بأيده ترك نورسين وحدهه عكدت حاجبهه نورسين مغثوثة من المنظر ولاحظت اطلس يهمس لمريم شي بأذنهه وهي ممهتمة..

الجو متكهرب وابوية يمدح بنورسين كدامنه ويرجع ليوره صراحة كلنه انزعجنه من هاي التصرفات حتى الولد لاحظو غرابة ابوية ومبالغته بمديح نورسين..

-محمد: ها ابو نورسين شوكت طالت السالفة

جاوبه بعربية مكسرة..

-ابو نورسين: بعد وقت

-محمد: بابا اطلس شد الهمة هههههههه

-الاطلس: ما جبتو التحلاية يمة، نانا؟

-نانا: اي اي رايحة اجيبهه

-حصة: بلقيس خلي روزلين تيبهم

-محمد: عوفو التحلاية هسة ها نورسين شتكولين بابا منتظرين رد احنه