الاطلس "دمليج أسود"

Part 36

ابتسم بدون لا يجاوب ودار عيونه عليه تقدمت اهمسله..

-سارة: ماريد ابات اريد ارجع وياك

-حمزة: امج تريدج تبقين

-ماريد اعوفك

-اي صح ما تردين تعوفيني صح

-والله ماريد اعوفك ابقى انتَ لعد بات يمي

-ما ابات هنا

-ازعل عليك

-اشش بعدين نسولف

-ممنوع تعوفني هنا وترجع ازاعلك والله

-ولج اهلج ليش ما تقبلين تبقين عدهم

-ماريد ابقى ارجع وياك

ضحك وحضن كف ايدي بأيده بقى الكعدة كلهه مبتسم واني وياه فرحانة ورقية تباوعلنه وتغمز وتسوي حركاتهه السخيفة..

-مريم: من رخصتكم

كامت للمطبخ رحت وراهه افهمهه ان نورسين متعودة تبات عدنه ماريدهه تفهم غلط وتضوج من امي.. وكفنه بالمطبخ هي جرت كلاص مي تشرب واني اسولف..

-سارة: مريم نورسين متعودة تبات ببيتنه من چانت صغيرة يعني مو شي جديد

-مريم: اي براحتهه

مدت راسهه تباوع من الباب وجحظت عيونهه وحلگهه بنفس الوقت بسرعة وكفت اشوف شنو وچان اللگه نورسين كاعدة بصف اطلس بالضبط وحاطه ايدهه على كتفه وخر ايدهه من كتفه رجعت حطتهه على فخذه ووجههم واحد مقابيل الثاني ودتسولف وياه..

اللتفتت على مريم وجهها بعد ميتفسر عيونهه غرغرت دموع وذبت الكلاص من ايدهه بالمغسلة فتحت البوري تغسل وجهها وجرت كلينس كومة تنشفه وذبته بالسلة..

-مريم

-سارة حبابة لا تحاچيني الله يخليج

-مريم اهدي

-ولج شنو اهدي!! باعيهمممم

-والله همه هيج من اول صدكيني

-راح اموت سارة سكتي گلبي... گلبي راح يوكف

-على كيفج ويه نفسج مريم وجهج راح ينفجر

-كلني راح انفجر كلنييي شتريد منه شتررريد فهميني ليش تتلزگ بي هيج لييييش

-مادري هي من قبل هيج متعودة عليه

-بس هسة هو متزوووج زوجي الي انييي ولج اني مرته واستحي اتلزگ بي بهالطريقة شنو هالجرأة العدهه كدام ابوهه وعمي والولد كلهم!!