الاطلس "دمليج أسود"

Part 36

اشرلهه اطلس تروحله بس ما اهتمت جرت كرسي تكعد بطرف الطاولة، بهتت ملامحه وظل حاير گام يريد يروحلهه وفوراً نانا كامت من مكانهه وكالت بضحكة..

-نانا: مريوم تعالي گعدي هنا شيخلصني من اطلس

-مريم: لا نانا تفضلي العفو ليش كمتي من مكانج

-نانا: لا اكعد بصف رقية اني

تبادلن بالاماكن صار اطلس بين نورسين ومريم، العشا صار سم على مريم كاعدة بس تلعب بأكلهه عيوني عليهه وعلى اطلس الي ما نطق حرف طول الگعدة اما نورسين فـ كالعادة ماخذة راحتهه وياه مثلما متعودين من قبل كل شوية جارة ايده لو تتقرب منه تهمسله وتسولف وتضحك..

الموقف حقير كلش اني الي مافتهم بالحب متت قهر اشوف اخوية انحط بموقف محرج لا هو اليكدر يكوم ولا مريم التكدر تسوي شي، شلت عيوني من حمزة تقرب يهمسلي..

-حمزة: شبيچ حبيبتي

-حمزاوي مريم تغار

-شنو؟

-تغار على اطلس مريم شوفهه

اكل لگمة ودار بس عيونه بطريقة ميخليهه تلاحظ ديباوعلهه رجع انظاره عليه مبتسم..

-حمزة: وجهها كلش احمر

-سارة: خطية حمزة شنسوي

-ماعرف خلص اكلي انتِ لا تخلين ببالج

اكلت شلون مچان وگمنه من الطاولة رجعنه نكعد على التخم ورجعت السوالف والضحك..

-نورسين: وين غديرة سارة

-سارة: نايمة من وكت اليوم

-نورسين: اووي حرامات ردت اشوفهه مشتاقتلهه

-حصة: الصبح تشوفيهه باتي عدنه اليوم

-نورسين: نو نو خالة ماكدر

-حصة: هاااو نورسين ترفض عرض مبيت شفيچ شعندج

-نورسين: استحيييي خالتوو استحيي

-رقية: نزول شنو نازل تحديث جديد نورسين تستحي بي

-نورسين: ههههه صرصورة انتِ سكتي

-حصة: سارونة راح تبقى عندنا انتِ بعد ابقي

-حمزة: هاي شنو خالة شو حتى سارة انعرض عليهه عرض مبيت

-حصة: حمزاوي ابي اشوفهه ما شبعت منهه