ترف : المهم انتِ راسلتني على شنو
مرتجى : خرب يومج نسيتني شنو اريد اكول
ترف : اي يلا برنس مرتجى اتذكر
مرتجى :ابوج وين
ترف : كاعد بالصاله يمنه خطار
مرتجى :راح اتصل عليه
كليله مرتجى يتصل عليك
ترف: شكو شنو صاير
مرتجى : ليضل بالج ما صاير شي
ترف : اتصل مرتجى على ابويه
اشوف ابويه يحجي ويا مرتجى ويتفقون على مسواك ويرحون الصبح لكصاب
و قيصر مثل الاطرش بالزفه ما فاهم شي
بقيت كاعده يمهم اريد افهم الموضوع شنو
من كمل ابويه اتصال كال قيصر
قيصر :خير عمي صاير شي
_ لا ماصاير شي بس اريد باجر اسوي غده
على حساب سلامه مرتجى وترف
وجنت اتفق ويا مرتجى على كم شغلة
ترف :شفت قيصر ضاج
لانو ابويه يتفق ويا مرتجى
وما طلب من قيصر
بس ما حجيت شي ماحبيت أتدخل بالموضوع
مرات اسئل نفسي ابوية ليش هيج ميحب قيصر وهو ما شايف منه شي مو زين
ثاني يوم اني واكفة بالطارمة اغسل اللحم اني واخوية
و مرتجى يدخل مسواك من السياره للطارمة
وهو وامي يحضرون الجدوره الي يطبخون بيهن ويحضرون بهارات وهيج اشياء
من كملنه اني واخوية غسلت اخذت الصونده
وبديت اغسل المكان
شوية واجه قيصر مبين ضايج
كلي
قيصر :هذا شعده هنا من الصبح
ترف :منو قصدك؟
قيصر : هذا ابن جيرانكم
ترف : ها مرتجى
لا عادي متعودين عليه
بعدني احجي مااحس الا مرتجى وكف بصفي
ومد ايده يسلم على قيصر
بس واضح عليهم واحد ميحب الثاني
مرتجى :شوكت تبدين تدرسين للفاينل راح يبدي بعد كم يوم
قيصر :تلحك تدرس ماوراها شي بس خلي گلبك مطمئن
ترف :اريد اضحك بس مااكدر
بقيت كاتمه ضحكتي
مرتجى : لا تشيل هم گلبي لانو واصل آخر مراحل الإطمئنان
ترف : من هذا اليوم بده مرتجى وقيصر واحد يلزم على الثاني لزمات
وراها كالو اجه الطباخ حتى يطبخ واني دخلت جوه عفتهم
وره ساعه تقريبا راسلني مرتجى
مرتجى : دزيتلج كهوه جكليتيه بين طفل
توف :يا طفل؟
مرتجى :مااعرفه شفته واكف يمي ودزيتلج بيده
واحد من الولد سوة الكهوه ومن شربت منها طعمها طيب دزيتلج منها
