" شصاير هناا ازاد؟! "
رد علي ازاد بصدمه وحيره
" ما اعرف ، اتصلت علي اختك حتى اخذا هذا الحقير "
قبل لا يستفسر اكثر انتبه لأخته الي تتحرك بقوه حتى تتحرر من بين اديه وتروح ورا نسر
من حست اخوها قوه قبضته صيحت علي
ودفعت جسمه بقوه
" عـــــــــــوفني ، الاسعاف راحت بدوني ، هسه شون اروح للمستشفى ، كلَ بسببك راحوا وعافوني "
استغرب من قوتها وحاول يهدأها
" نجمه حبيبتي انا اخذچ هسة بسياره نسر "
رجعت صيحت علي وهي تجرجر بي للسياره
" يا الله بسرعه ليش واگف لعد الاسعاف راح توصل قبلنه "
رغم استغراب ضرغام من تصرفات اخته صعد السياره وتوجه للمستشفى باقصى سرعه
🍒 hospital 🍒
داخل اروقة المستشفى وتحديدا
مقابل غرفه العمليات
نجمه گاعده على الارض تهز رجلهة بتوتر وكل دقيقه ترفع راسها لضوا الاحمر فوگ الغرفه تتأكد اذا انتهت العمليه او لا ، بعد ما جبرت اخوها يدخل غرفه العمليات يراقب لوضع
بعد خمس دقايق دخلوا الولدا للمستشفى وبعد ما سألوا عن نسر توجهوا لغرفه العمليات
ركض اياد من شاف اخته گاعده بالارض وعينهة على باب غرفه العمليات بتعابير وجهة جامده
حاول الجد يستفسر منها عن الوضع وشنو صار
" نجمه بويه شنو صار ، منو الي سوا هيج بنسر "
نظرت نجمه لجدها وردت علي بهدوء
" واحد سافل طعنه بخصره وقبل لا يشرد ضربته على راسه وخليته يفقد الوعي "
صار هدوء بعد كلام نجمه والقلق اعترا اياد وادم من شافوا حاله الهدوء لوصلت الها نجمه
وبعد ساعه من الانتظار طلع ضرغام من غرفه العمليات و الابتسامه مرسومه على وجه
" الحمد الله سيطرنا على الوضع ، ونسر تعدا مرحله الخطر "
تنهدوا براحه من كلام ضرغام و الفرحه بينت بملامحهم لكن سرعان ما تحول الفرح لقلق وخوف من سمعوا شهكات نجمه وشافوها نزعت قناع القوه وانهارت بين ادين ادم
ركضلها ضرغام بسرعه
من شاف خشمهة الي نزف بكثره وقبل لا يشيلها طاحت بحضن ادم فاقده الوعي
🍒9:00ص🍒
گعد النسر على اصوات الولد وهمَ يسولفون
فتح عيونه وشاف ولد عمامه مجمعين حواليه
حس بجسمه مشنج حاول يحركه
ضربته موجه ألم وعلى اثرها تأوه يخفه
DU LÄSER
النسر و المشاكسة ( متوقفة مؤقتاً )
Humörفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
