ويبقى الأمل رغم الألم

5

الساعه 9:00 مساءً ،
وصلو ميلاف ولين للمكان المتفق عليه وانتظرو محمد يجي بعد مرور نص ساعه
ميلاف : تأخر محمد شكله ما راح يجي
لين : خلينا ننتظر ربع ساعه بس اذا ما جاء بنرجع يمكن الطريق زحمه وتأخر
ميلاف : ويمكن بعد انه تجاهل الرساله وما اهتم
لين : لا ما اتوقع
ميلاف : طيب بس ربع ساعه اذا ما جاء نرجع زين
لين : طيب '
'
[ عند محمد وصديقه ياسر ]
قبل نص ساعه:
ياسر : وش قررت بتروح او لا ؟
محمد : متردد ياخوك مدري اخاف اعرف شي وانصدم
ياسر : واذا ما عرفت شي هم ما راح تسلم من التفكير
محمد : يعني نصيحتك اروح
ياسر : اذا تبي تريح قلبك روح واعرف كل شي يمكن هالشي يفيدك ما تدري وتأخر الوقت الحين الساعه 9:00 الحق قبل تزيد عليك الزحمه
محمد : شورك وهداية الله يلا اجل استاذنك
ياسر : الله معك وطمني
محمد : ان شاء الله '
'
نرجع للواقع [ عند محمد ]
يناظر بالوقت يا الله تأخرت وهو بالطريق فجأه .. '
'
[ عند لين وميلاف ]
ميلاف : مرت عشر دقايق وللحين ما جاء
لين : انتظري باقي 5 دقايق
ميلاف : دقايق انتي وش كتبتي له بالرساله ؟
لين : ما اذكر وش كتبت بالضبط بس الي اذكره اني قلت له اذا يهمك تعرف شي عن ميلاف تعال لـ وكتبت له المكان والوقت
ميلاف : وش سويتي ؟
لين : مدري هذا الي جاء في بالي
ميلاف : بس انا بعترف له ما راح اقوله شي ثاني
لين : وش يضرك لو علمتيه سالفتك كلها
ميلاف سكتت
لين كملت : وش السر الي ما ودك محمد يعرفه ؟
ميلاف : بس اذا قلت له الي بيتضرر مو انا اخوك
لين : وش تقصدين ؟
ميلاف : خلاص انسي الزبده اني ما راح اقوله شي
لين : طيب كيفك سوي الي تبينه
ميلاف : طيب مشينا انتهى الوقت
لين : خمس دقايق ثانيه بس
ميلاف : ما راح يجي يا لين واضح اني ما اهمه حتى
لين : لا تقولين هالكلام انتي لو شفتي حالته ما قلتي هالشي
ميلاف : طيب نمشي اني انتظر اكثر من كذا ما اقدر
لين : طيب بالنهايه هالشي يخصك انتي يلا نمشي
ميلاف يلا وطلعو من المطعم ورجعو للبيت .
'
'
كانت سيارات الشرطه والاسعاف موجودين بمكان الحادث وكان حولهم ناس كثير
1: الله يستر الحادث كان قوي ان شاء الله محد تضرر ‎2 : شفته طلعو واحد ونقلوه لـ سيارة الاسعاف وواضح ما تضرر كثير والله يسلم الباقي
بعد ربع ساعه قدرو ينقذون كل الاشخاص وينقلوهم بسيارات الاسعاف للمستشفى منهم من كان اصابته خفيفه ومنهم الي حصل له كسر ومنهم الي تضرر كثير واما الي كان سبب بالحادث فاقد الوعي ولا يدري عن شي..