ترف: المجرم اريد اشتري قميص جديد
هذا الي لابسته كله ريحه دخان احسه خنكني
مرتجى : ماحجيت وياها شي بس امشي اريد اطلع من كليه
الطلاب الي بالكليه نصها تركض لمختبر الي حترك ونص الثاني بالقاعات ياخذون محاضره اصلا مايدور شنو صار
عبرنه من الاستعلامات وطلعنه من كليه وترف وراي بعدها تحجي
وماعاجبها ولا قابله
اشلون اخرب ستايلها واشمرها من شباك
ترف :انت ليش مترد
مرتجى :شتردين بلا
ترف: يعني فوك ما شمرتني بدون متفكر راح اموت او ينكسر عظم بيه
او يصير بيه ارتجاج بالمخ واتخبل
مرتجى :لعد منو كلج انتِ عاقله هسه وما متخبله
ترف :انت المخبل وين اكو عاقل يشمر بنيه من شباك
مرتجى :لا ابويه انتِ لازم اكلهم بلا زحمه عليكم
اريد لحظه استقطاع ويصير توقف بزمن بين مااطلعج من الباب مثل الاميره وراها يرجع الزمن طبيعي ويستمر الحريق
لج بابا انتِ عاقله؟ المختبر كله احرك
أحمدي ربج كدرنه نطلع
بسلامه البقيه جوه جاي يموتون
ترف :تصنف حضرتك
اسكت عنك أحسن
مرتجى : اني هم هيج اكول
ترف : وين ماخذني تسحول بيه
مرتجى : يا صبر ايوب لج بابا مو كلتي اريد اشتري قميص
ترف :ها نسيت
مرتجى :دخلنه لواحد من محلات الملابس
القريبه
يلا مدام اختاري حتى نولي
ترف :هذا الاسود حلو بس مااشتري شنو قابل عندي فاتحه
مرتجى :شوفي هذا قميص
ترف : لا لو تموت مالبس قميص أبيض شنو جايه من الحج
هيج الوان متلوكلي
مرتجى : وهذا؟
ترف :لا شنو ازرك اطلع عبالك قلم جاف
مرتجى : الملكانه الي يمي جانت لابسه قميص لونه رصاصي اخذته منها
َوانطيته لترف
اشس نفس مااسمع هسه تلبسي وتجين بدون كلمه
وإذا ما عاجبج يكون احسن حتى نولي
راحت مثل الحبابه
لبسته واجت بين ما دفعت سعره
ترف : تره جبير عليه
مرتجى :احسن ما تكونين انتِ جبيره عليه
اريد أجرا تكسي ومرت سياره الإطفاء كدامنه
حتى يطفون الغرفه مال المختبر
ترف : هسه يلا اجت الإطفاء
وين جانو كل هل وقت
هاي اني لو بعدني جوه شنو صار بيه
مرتجى :يالله وأخير استوعبتي الموضوع
ترف : اي بس هم اشلون تشمرني مو شباك
مرتجى : يالله يامحمد
يا إلهات الكون
