قراءة ممتعة✨.
--------------------
ناردين
ورا فترة كمت احلم بأحلام غريبة وتخوف وصرت كل الليل مانام بس انوم ايلو واطلع بالحديقة ويمر لوقت لحد الساعة 6 ونص اتحضر للدوام واذا عطلة ابدي انضف البيت واشغل نفسي بأي شي بعد ماجنت انام لساعات طويلة صرت انام ساعتين بس باليوم وهاي الساعتين كلها احلام حتا بنومي ماتهنى!
كاعدة بالحديقة فجأة نعست ذبيت السماعة من اذني فرحانة اخيراً راح انام قفلت الباب وطبيت للغرفة وتمددت يم ايلو
مثل الحديقة بس حيل جبيرة وكلش حلو كلها ورد وفواكة اتقربت امشي واشوفها نفس هيئتها نفس وجها الحلو نفس شعرها طويل ونازل مغطي الحشيش جانت لابسه ثوب اسود طويل مغطي كلشي بجسمها بس شعرها مبين باوعتلي وابتسمت بحزن وكالت: ليش متجيني ماخذة على خاطرج مني مو؟ تعاليلي محتاجتج ما مرتاحة بقبري!
فزيت متعرقة وريكي يابس نزلت دموعي طلعت برا وحطيت ايدي على عيوني وكمت ابجي اول مرة اشوفها بالحلم ورا فترة هديت باوعت للساعة ب 2 ونص طبيت غسلت وجهي بدلت ملابسي اتصلت على سيدرا
سيدرا بنعاس
: الو
ناردين: تجين وياي للنجف!
سيدرا: يا نجف شبيج حلمانة؟
ناردين: بدون متسئلين تجين لولا؟
سيدرا: اني وامي نايمين بالمستشفى ويا محمد نروح باجر الصبح؟
ناردين: شبيه محمد؟
سيدرا: ضغطو صاعد صار يومين على هل وضع كل شوية يدوخ ويوكع وخشمو ينزف
ناردين: تمام يلا باي
سديت التلفون ودكيت على ريتا
ناردين: طلعيلي بالباب راح اجيبلج ايلو
سديتو منها واخذت المفاتيح وفلوسي وشلتها وطلعت وصلت للباب لكيتها تنتظرني
ريتا: وين رايحة بهل ليل؟
ناردين: صديقتي مريضة راح اروحلها
هزت راسها واخذتها مني باستها
ريتا: ديري بالج على نفسج الوقت متأخر
صعدت بالسيارة بدون ماحجي شي وطلعت متوجهة للنجف! اول مرة اطلع محافظة وماندل شي اصلاً سلمتها بيد الله وطلعت الطريق شبه فارغ زيدت سرعتي بين الـ100 و 140 ونزلت دموعي كل شوية عيوني تغوش وامسحهم فتحت تلفوني وطلعت الموقع وكملت طريقي لحد ماوصلت وصلت الضهر بوقت متأخر لان كل شوية اطبك السيارة بسبب غواش عيوني وصلت للمقبرة دخلت ورحت لمكان قبرها ارتميت عليه وكمت ابجي بتعب واشتياق وحزن وكلشي واني اتذكر مواقفنا سوية وعركاتنا وشلون تدافع عني رغم ضعفها
STAI LEGGENDO
المَليح 611 ( قيد التعديل)
Storie d'amoreمُقدمة فـي إحدى البيوت العِراقية الحديثة هُناك فتاةً غامضة قليلة الكلام حادة المزاج تحب الموسيقى الصاخبة وتعشق اللون الاسود يُقال عَنها نرجسية وهَي تحب تِلك الصفة تَعشق كَونها محامية تُفرق بين الحق والباطل البَعض يكرهها بِسبب كَونها مغرورة قَلي...
