تحت مسمى القسمه والنصيب

الثاني والثلاثون

ردتـك تَـمـر ضـيف
ردتـك تَـمـر ضـيف
وتسكـت اليحچون
ردتـك تَـمـر ضـيف
وحچيك مُـطـر صـيف
مابـلل اليمشون
حچيك مُـطـر صـيف

-مندمج ويا الاُغنيه مشيت فتحت باب السياره وگعدت من انتبهلي سحب موبايله طفه الاُغنيه وصعد حرك السياره ساكت لحد ماوصلنا يم مُختبر باوعلي وحچه بعيون متوسله: ادعي كون ماكو حمل حتى انتِ تخلصين مني

-باوعتله بقهر وخفت من ربي اخاف ادعي وارفض نعمه ربي بس گلت بگلبي: يارب الي بي خير الي قدمه

نزلنا للمختبر وسحبو مني دم وانتظرنا النتيجه ورا تقريباً نص ساعه طلعت المُحلله وگالت بـ ابتسامه: مبروك عيني راح يجيكم بيبي

-ثنيناتنا انصدمنا وضلينا ساكتين وهي اختفت ابتسامتها من شافت رده فعلنا وانطتنا ظرف بي التحليل ورجعنا الطريق كله ساكتين من وصلنا لشارع اهلي همس بصوت محتقن:لمي غراضچ وتعالي

-باوعتله خايفه وگلتله:مو گلت اطلگچ

-عاط بصوت فززني من مكاني:گلتتت من تجيبينننن اطلگچ واخلصچ مني بس مو هسهههه امشييي جيبي غراضچ وتعاليييي

-نزلت لميت غراضي وامي فرحانه تلملم وياي واني ماطايقه اباوعلها حتى اجه امـيـر باوعلي وغمز:هاي اكو وحده قبل كم ساعه حلفت ماترجع

-احسبلي كم يوم وجايتك لاتفرح ارجعلك ارجعلك

-كـل الهـلا

-ودعتهم ومشيت بـس وصلت للباب انصعقت من شفت يوسف واگف يم آدم حيلي كُله گام يرجف اريد اخطي خطوه مااگدر سمعت كلامهم ع النص يوسف سأل آدم عن حاله

-شلونك اخبارك

-جاوبه بـ استهزاء: الحمدلله وراح اصير اب هم

-اباوع على يوسف وجها صار ينطي الوان ودموعه ملت عينه بس ينتبهله آدم يشوف شلون تغير بس هو بسرعه دار وجها عن آدم وگال:ايي الف مبروك ياخوي يتربى بعزك شبيك شو احسك مافرحان

-آدم:-اچذب عليك اذا اگلك فرحان

-ماردت يكمل كلامه حمحمت وگلت :السلام عليكم

-يوسف:-هلاو ترتيل وعليكم

-ترتيل:-يلا اني كملت نروح؟

-آدم:-يلا اصعدي اني اصعد الجنط

-صعدت وعيني على يوسف الي يخطف نظرات مني ويدير وجها لادم اكيد هسه يگول شلون عائله سعيده مايعرف بـ الي ديصير
صعد آدم بعد ماودعه وانطلقنا للقفص الي راح يحبسني كل عمري

<><><><><><><><><><><><><><><><>

مـرام"

-اني بشهر الثامن من حملي بالفتره الي فاتت ماتطرقت لحياتي المُمله نفس الروتين وماكو شي تغير غير انُ اني طلعت حامل نفس مُعاملتهم الي ابتعدت عن اهلي لأن هم مارادوني عفت الماضي وراي وقررت انتبه بس لنفسي وبنتي الجايه بالطريق تعلقت بيها بشكل مو طبيعي حبيتها واني ماشايفتها حسيتها هي هاي عوض سنيني بديت اجهزها وابوها كُلش فرحان بس الشي السيء چان يسمع كلام اهله الماصخ