الوشم103

part(1)

فاتحه عيوونها بس ما تشوف تحرك باديها بس ما تكدر تشوف وتحس حاولت تحجي ما كدرت حاولت تكوم بس ما كدرت

ضلت تغمض وتفتح وهم ما تشوف كدامها وما تحس بس ضلام

دقايق من الرعب والخوف الها وصوت الصفاره باذنها بلشت الرؤيه توضح عندهاا ضلت تتلفت بعيونها وادور ع امانها وين

اتوقفن عيونهاا ع الي مغمضه عيونهاا وجسمها العاري وملابسه الي مشككه ومشموره بصفها باوعت ع الانسان السبب عذابها وخوفها باوعتله بحقد وهوه نايم

وحاظن امانها كامت بخطوات بطيئه جابت غطه وغطتة امها ومسحت دموعها باديها الاصغار وجابت مخده وخلت راس امها بحظنها وخلت المخده بمكان

وشالت راسها وخلته ع المخده وتمسح باديها ع راس امها وتحجي وياها بطفوله

-ماما اكعدي حبابه اني يمج

-ماما وعد من اكبر اشمر بابا بالسجن

-ماما بعد ما اخلي يبسطج (يكتلج)

-حبيبتي نامي واني يمج

ضلت تمسح ع شعر امها وتحجي وياها وكانوو تسمعها وتجاوبها

مرت ساعات وهيه ما كامت من يم امها ولا بطلت حجي وتسولف الها شتسوي من تكبر

-ماما من اكبر راح ابني بيت جبيرر هواي

وفتحت اديها الاصغار وتكول

-هل كبره. جبير هواي هواي وراح اسوي حلوو مثل بيت باربي ونعيش بس اني وياج بي

-اي بس اني وياج ما نجيب بابا وقاسم وياسر ما اخليهم يفوتون اله

-وراح اجيبلج ملابس حلـِۈۋ‏وھّ

خلت اصبعها بحلكها وتفكر بعد شنو تجيب ل امها

-وهاا راح اجيب الج اكل طيب هواي هواي

برطمت حلكها بزعل

-ماما زعلانه مِڼـّي لان ما ساعدتج

-ماما حبابه اكعدي بعد ما اخلي يبسطج

خلت اديها ع وجهه امها وتمسح بخدها وحظنت راسها

كامت طلعت من الغرفه وتشوف لبيت ڱڵـه. ريحه مو حلوه ومكسر والبطاله بكل مكان راحت للمطبخ ترست كلاص ماي ورجعت بسرعه ل امانها

خلت راسها بحظنها وغسلت وجها

-ماما حبيبتي اكعدي

حجتها ونفجرت بالبجي مرور الدقايق ولي هيه عندها اشبه بالسنه فتحت عيونها والطفله شكة حلكها الضحكه والفرح داعب كلبها الصغير

لزمت خد امها بيدها الاصغيره

-ماما حبيبتي ليشش ما كعدتي مساع

حجت بوجع

-بنيتي جنت نايمه ليشش عيوون ارنبتي مورمه

-بجيت لانو ما كدرت اساعدج