"ကျွတ် တော်တောာ် ကွာလွန်းတယ်မလား။”
"ဒါဆိုရင် ဆိုလိုရင်းက ၃ လအတွင်း ငါ ၆,၀၀၀,၀၀၀ အရှုံးပေါ်အောင် လုပ်ရမှာပဲ။”
"စဥ်းစား စဥ်းစားစမ်း ဒီလောက် များတဲ့ ပိုက်ဆံကို ငါဘယ်မှာသုံးလို့ရနိုင်မလဲ။”
"၁ စတုရန်းမီတာကို တစ်ရက် ၅ ယွမ်နဲ့ စျေးအကြီးဆုံး ရုံးခန်းနေရာကို ငှားမယ်ဆိုရင်တောာင် မီတာ ၃,၀၀၀ နေရာက တစ်လကို ၄၅၀,၀၀၀ ပေးရလိမ့်မယ်။”
"ဝန်ထမ်း ၃၀ ကို တစ်လ ၅,၀၀၀ ပေး... မဟုတ်သေးဘူး။ တစ်လ ၇,၀၀၀ ပေးရင် ၂၁၀,၀၀၀ ဖြစ်သွားမယ်။”
"မီးကို ရေခွက်တစ်ခွက်လောက်နဲ့ ငြှိမ်းဖို့ ငါကြိုးစားနေတယ်လို့ ဘာလို့ ခံစားနေရပါလိမ့်။”
"လူတွေက ကုမ္ပဏီတစ်ခုဖွင့်တဲ့အခါ ဒီလောက် ကုန်ကျစရိတ်ကို အရမ်းမြင့်တယ်လို့ ထင်နေပေမယ့် ငါကတော့ စျေးပေါလွန်းတယ်လို့ ထင်နေတယ်ဟ။”
"အကယ်၍များ ကုမ္ပဏီအတွက် စျေးအကြီးဆုံး ပစ္စည်းတွေကိုပဲ သုံးမယ်ဆိုရင်ကော။ အဲ့တာဆို အနည်းဆုံး ၁,၀၀၀,၀၀၀ လောက်ဖြုန်းဖို့ ကူညီပေးနိုင်မှာပဲမဟုတ်လား"။
"ဟုတ်တယ်... အဲ့တာ ပိုက်ဆံဖြုန်းတီးဖို့ အမြန်ဆုံးနည်းလမ်းပဲ"။
"ဒါပေမယ့်... ရုံးနေရာတစ်ခုရှာဖို့၊ ဝန်ထမ်း ငှားဖို့နဲ့ ကိရိယာတွေ ဝယ်ဖို့က တော်တော် ဒုက္ခများလိမ့်မယ်။ အဲ့တာတွေ တစ်ခုမှ ငါအရင်က မလုပ်ဖူးဘူး။”
"ထားလိုက်ပါ၊ ဖြည်းဖြည်းချင်း စဥ်းစား ကြည့်ကြတာပေါ့။”
ဝန်ထမ်းငှားပြီး ရုံးနေရာတစ်ခု ရှာဖို့အတွေးက ဖေးချမ့်ကို အတော်လေး ခေါင်းကိုက်သွားစေခဲ့ပါသည်။
အရင်ဘဝတုန်းက ဒီလိုအရာများကို မကျွမ်းသောကြောင့် သို့မဟုတ် သဘောလည်း မကျသောကြောင့် တစ်ခုမှမလုပ်ခဲ့ဖူးပါ။
အကုန်လုံးက ခက်ခဲလွန်းပါသည်။
သို့သော်လည်း ပိုက်ဆံဖြုန်းဖို့အတွက် ဒါက အလျင်မြန်ဆုံးနည်းလမ်းပဲဆိုတာ ရှင်းနေပါပြီ။
ထို့နောက် ဒီကိစ္စကို အရင်ဆုံး ဘေးဖယ်ထားပြီး နောက်တစ်နေ့ ကိစ္စအတွက် အရင်ဆုံး စဥ်းစားကြည့်လေသည်။
CZYTASZ
သူဌေးကြီးဖြစ်ဖို့ ပိုက်ဆံတွေ ဆုံးရှုံးဖို့လိုတယ်
Losoweမိတ်ဆက် ငါ တကယ် ပိုက်ဆံဆုံးရှုံးချင်တယ် T_T အကောင်းဆုံး သူဌေး၊ စီးပွားရေးလောက၏ အရွယ်နှင့်မလိုက်အောင် ထူးချွန်ပြောင်မြောက်သူ၊ ပါရမီရှင် ဖန်တီးသူ၊ ရာစုနှစ်၏ အမြော်အမြင်ရှိသူ။ ဤသည်မှာ ထန့်တကော်ပိုရေးရှင်း၏ ဥက္ကဌ ဖေးချမ့်အတွက် အသုံးပြုထားသော ဖော်ပြချက်...
Ch-28
Zacznij od początku