အာ့တာထက်ကိုကိုကသူ့ကိုမုန်းသွားရင် ဟာရုတိုဘယ်လိုလုပ်ရပါ့မလဲ။အိမ်နီးချင်းဖြစ်တာနဲ့အညီ ငယ်ငယ်ထဲကသူ့ကိုညီလေးတယောက်လိုမျိုးချစ်ပေးလာတဲ့ကိုကို့အပေါ်မှာ ဟာရုတိုရဲ့နှလုံးသားကအရောင်တွေပြောင်းလဲနေခဲ့တယ်။
အထက်တန်းကျောင်းပြီးသွားတဲ့ကိုကိုကဆိုလ်းတက္ကသိုလ်တက်ဖို့ရွေးချယ်တော့ ဟာရုတိုစိတ်ပူခဲ့ရတာ။သူတယောက်ထဲသာမြင်ရလေ့ရှိတဲ့ကိုကို့ရဲ့မျက်နှာလှလှလေးအားတခြားဘယ်သူတွေကများတစိမ့်စိမ့်ငေးကြည့်နေကြမလဲဆိုတဲ့အတွေးတွေကနှိပ်စက်လှတာမို့ ဟာရုတိုစာကိုအသေအလဲကြိုးစားပြီးကိုကိုရှိတဲ့တက္ကသိုလ်ဆီအရောက်လာခဲ့သည်။
နီးစပ်ဖို့ဘဝတလျှောက်ကြိုးစားလာခဲ့သမျှက အခုမိနစ်ပိုင်းလေးအတွင်းမှာပဲပျက်သုန်းသွားခဲ့ရတယ်တဲ့လေ။
လေပူတွေအားမှုတ်ထုတ်လိုက်ရင်း ကျောင်းခေါင်းမိုးထပ်ကခုံတန်းလျားလေးမှာဝင်ထိုင်လိုက်သည်။စိတ်ရှုပ်လွန်းတာမို့ဆံပင်ကိုဆွဲဖွပစ်လိုက်ရင်း ဘောင်းဘီအိတ်ထဲကဆေးလိပ်ဗူးလေးကိုထုတ်ယူလိုက်သည်။
ဆေးလိပ်မီးကိုငြိလိုက်ပြီးနောက် တချက်ရှိုက်လိုက်ရင်းမီးမသေအောင်ဖွာနေလိုက်တော့ အငွေ့တွေနဲ့အတူမီးဖွာရဲရဲတွေကဆေးလိပ်ဖင်မှာထွက်လာတော့တယ်။ထိုတော့မှ စိတ်တိုင်းကျဖွာပြီး မီးခိုးတွေကိုနှာခေါင်းထဲကလွှင့်ထုတ်လိုက်ရင်းသက်ပြင်းအသာချလိုက်မိတော့တယ်။
ကျနော့်ကိုအမုန်းတွေပေးပြီးပစ်ပစ်ခါခါကြီးတွေတော့မလုပ်ပါနဲ့ ကိုကိုရာ။
****************************************
ထွက်ခွါသွားပြီဖြစ်တဲ့ထိုကောင်လေးကြောင့်တတန်းလုံးအကြည့်တွေကဂျွန်ဂယူ့ဆီစုပုံလာတော့တယ်။
သူတို့မပြောနဲ့။ကိုယ်တိုင်တောင်အိမ်နီးနားချင်းညီလေးတယောက်ဆီကနေအခုလိုမျိုးပိုးပမ်းခံရလိမ့်မယ်လို့ယောင်လို့တောင်အိပ်မက်ထဲမမက်ဖူးခဲ့တာရယ်ပါ။
အခုသူ့ခံစားချက်တွေကရောထွေးနေတယ်။ရှက်စိတ်နဲ့အံ့ဩနေတဲ့စိတ်ကြောင့် ခေါင်းကိုသာငုံ့ချလိုက်ရင်း ကိုယ့်စာကိုယ်အာရုံစိုက်ချင်ယောင်ဆောင်ထားလိုက်ရတော့တယ်။
![](https://img.wattpad.com/cover/349760177-288-k165803.jpg)
Wanna live 24/7 with KOKO
Start from the beginning