الـرقطاء وكراتها الثلاث

اللـدغه الخامسه🐍

-كلله بسببچ خليييييييتيني أوكعچ بسببچ عاف البيت وطللللعععععع وماااااات الفگررررر بقت تضرب بيها والطفله صوتها بيه ومايعلى إجتها وفاء اخذت مسك من عدها ودفعتها بقوه

-لچ انتِ شنووو من أمم وحرام اگول عليچ ام اصلًا انتِ وحده مجرمه مرييييضه مو مال تربين طفله ياعديمه المسؤوليه يكفي اخوي مات من وره مشاكلچ ونكدچ وجايه تحملين طفله مسؤوليه

اذا اكو واحد مسؤول عن موت نذيررر فـ هــوَ انتِ ياخيزرااااان أنـي لو منچ اعيش طوووول عمري بتأنيب ضمير وهاي الطفله متستاهلچ انسي عندچ طفله أنـي راح اربيها وانتِ احتاري بضيمچ مجرمه

وفاء أخذت ملابس الطفله وكل غراضها وعافت خيزران واگفه بمكانها وكلمة مجرمه تتردد بمسامعها

مشت بسرعه للباب وقفلته اعتزلت العالم بقت يوم كامل بدون ماتطلع من الغرفه اهلها اجو اخوها ياسين توسل بيها بَــس تفتح الباب وهيَ رافضه تمامًا تطلع وتلتقي بأحد

وفرغت عصبيتها بالتكسير كسرت كل شـيي موجود بغرفتها وثاني يوم طلعت اخذت ملابس سوده ودخلت للحمام سبحت وبدلت ملابسها وراحت يم النسوان امها شافتها اجتها حضنتها وكامت تبچي وتحچي كلام خله كل اللي موجودين تنتقدها

-الله يساااعدچ يايممه على حضچ الفگررررر راح وعافلچ بنيه وانتِ حاااملل سوووده عليييه

نقاء واگفه على صفحه وتباوع على اختها متعجبه شـلون تبچي على زوجها معقوله مقهوره عليه وهـي لو تجيها فرصه تقتله شِــنو حبته هسسسه خيزررران بنت رياض تبچي على احد غير اخوانها

شتت تفكيرها وقطع حبل افكارها صوت مال طفله مألوف الها بالطرمه طلعت تشوف شــكوو وشافت مسك تبچييي وعمتها وفاء محتاره تريدها تسكت ماكـو مفرفحه من البچي راحتلهن ورادت تاخذها من وفاء بَــس وفاء دفعتها