"မမှတ်မိဘူးလား.."
အကိုက မျက်ခုံးတွေတွန့်ချိုးလို့ စဉ်းစားနေတယ်။
တကယ်ပဲ မေ့သွားတာလား...
ရှောင်းကျန့်ကအခုမှ အသက်သုံးဆယ့်ငါးပဲ ရှိသေးတာလေ...
မှတ်ဉာဏ်မကောင်းတော့ဘူးလား..."တကယ်ကြီးလား.."
အကိုက သူ့ကို မျက်ခုံးပင့်ကြည့်လို့ တစ်ချက်ပြုံးပြတယ်။
"ကိုယ်မင်းကိုဖက်ခဲ့တာ ဘယ်နှစ်ကြိမ်တောင်မို့လဲ.... အရိပ်အမြွက်လေးပေးသင့်တယ်မဟုတ်ဘူးလား... "
ဖက်တဲ့ပုံစံက အရိပ်အမြွက်မဟုတ်ဘူးလား...
သူ မကျေနပ်စွာ နုတ်ခမ်းစူသွားတယ်။
"ပထမဆုံးဟာကို.."
"အဲ့တုန်းက ကိုယ်မူးနေတာလို့ မင်းပြောဖူးသလားလို့..."
ဖက်ထားတာကို ပြန်လွတ်လိုက်ပြီး
"တော်ပြီ... သက်ကျားအိုတွေက စကားပြောလို့မကောင်းဘူး..."
ရှောင်းကျန့်က အသံထွက်အောင်ရယ်တယ်။
"ကိုယ်ကသက်ကြားအိုဆိုရင် မင်းကဘာလေးလဲ.."
သူ ဘာမှပြန်မဖြေပဲ စားပွဲပေါ်ကဗန်းထဲက ဆေးလုံးတွေနဲ့ရေကိုယူသောက်လိုက်တယ်။
ဆေးသောက်ပြီးမှ ရှောင်းကျန့်ကိုတစ်ချက်ကြည့်လိုက်ပြီး..
"ခင်ဗျားရဲ့အမျိုးသားလေး.."
ရှောင်းကျန့်ကပြုံးလို့ ရိပေါ်ရဲ့နဖူးကို တစ်ချက်ငုံ့နမ်းလိုက်တယ်။
"ကိုယ့်အမျိုးသားလေးက ပြန်အိပ်သင့်နေပြီ.... မနက်ဖြန် ကုမ္ပဏီမှာ အစည်းအဝေးရှိတယ်မလား.."
ဝမ်ရိပေါ်ခေါင်းငြိမ့်ပြလိုက်ရင်း ပြန်လှဲချလိုက်တယ်။
အကိုက စောင်သေချာခြုံပေးပြီး ပြန်ထွက်ဖို့ပြင်တော့ သူလက်လှမ်းဆွဲလိုက်တယ်။"အကိုကရော... မအိပ်သေးဘူးလား.."
"ကိုယ် လုပ်လက်စ စာတမ်းလေး လက်စသတ်ရဦးမယ်.... အိပ်နှင့်ဦးနော်.."
"မြန်မြန်လုပ်နော်... "
"ဟုတ်ကဲ့ပါဗျာ.."
အကိုအခန်းထဲက ထွက်သွားပြီးနောက် တစ်ဖက်လှည့်က မျက်လုံးတွေပြန်မှိတ်လိုက်တယ်။
အိပ်မက်လေးဆက်မက်ရင်ကောင်းမှာပဲ...
YOU ARE READING
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....
ep. 16
Start from the beginning