الجامحه والبدوي

الثامن عشر

اما سهيله فكانت تموت حيه وامها بجانبها تصبرها وتعطيها الامل انه ما ان يهدا حتي يعود اليها ويدرك خطأه وانها مظلومه لتصحو علي خبر ذبحها من الوريد الي الوريد كانت تتصفح موقعه كالعاده لتجد خبر موتها لتجد صوره جواد وبجواره سالي تلبس فستان العرس وتحت الخبر تم زواج رجل الاعمال جواد الترك علي الانسه سالي في حفل مهيب حضره نخبه من رجال الاعمال والصفوه وكان الحفل اسطوريا لا مثيل له وقد سافر الاثنان لقضاء شهر العسل بالخارج ليسقط التليفون من يدها وتضع يدها علي قلبها وبدات انفاسها تتمزق.. جواد اتجوز اتجوز عليا.. جواد حبيبي اتجوز وسافر يقضي شهر العسل.. جواد.. ظلت جالسه مشلوله قلبها يأن ودموعها تنساب وتنهمر.. لتسحب تليفونها وترسل له رساله الي تليفونها الاخر وتبدا في النحيب.. هونت عليك يا قلب سهيله خلاص كرهتني خلاص موتني بالحيا خلاص قتلت سهيله وهيا بتعشقك ليه يا قلبي دانا قلت هستناك العمر كله دانا قلت هيجي يوم وترجعلي خلاص قفلتها عليا وخرجتني بره حياتك رمتني اوي كده وصدقت قلبي حرام عليك ليه دانا كنت في حالي وانت سقتني عشقك بالغصب وقلت خلاص لقيت الدنيا وهبقي زي البنات خلاص يا جواد بقيت لوحده تانيه تنام في حضنها وتبقي بتاعتك وانت بتاعها.. طب.. طب و انا يا جواد كنت بحلم البسلك فستان اه زي البنات كنت بحلم زي البنات عمري مافكرت اني ابقي بنت او احلم. نزع من قلبي اي احلام وجيت انت حطيت في قلبي احلي حلم. اروح فين اعمل ايه انا بموت والله بموت.. كنت مستنياك اعمل ايه في وجعي ده اعمل ايه قلبي هيموتني يا قلب سهيله.. انا طلعت ضعيفه اوي َمحتجالك انا ادمرت ومت علي ايدك سحبت روحي ورحت سهيله قوتها راحت.. اتجوزت خلاص للدرجادي انا خلاص. طب لمستها وبقت مراتك ازاي امال حبتني ازاي انا استحاله اسيب مخلوق يلمسني غيرك عايشه علي حضنك لما كنا هناك انا بتاعتك بس انت ما بقتش بتاعي لتجهش بالبكاء والله مظلومه يا قلبى مظلومه يا رب ارحمني من َوجعي يا رب خدني.. لتظل تبكي فتره.. لتهتف اخيرا.. خلاص يا قلب سهيله روح. افرح وانساني خلاص انا كده مت هدور علي ايه والا مستنيه ايه خلاص انسعد بعيد عني وانسي اللي كان يوم ليك حبيب.. هتفضل حبيبي العمر كله هتفضل في قلبي العمر كله. وهحافظ علي روحي جايز لما اموت َاكون ليك.. اكيد هبقي ليك مانا ماكنش ليا في الدنيا نصيب يا رب اسعده وعيشه الحلو اللي ماعيشتهوش بدعيلك يا نور عيني تاخد نصيبك في الدنيا اللي انا ماخدتهاش ومستنيه نصيبي لما اموت جايز تكون ليا اه مانا ماعملتش حاجه والله ماعملت غير اني ضعفت وحبيت. حبيت بس دانا عشقت.. جواد حبك جوايا مالي قلبي وخلاص هزهد الدنيا وهعيش علي ذكري وامنيه ماتحققت روح افرح واعمل عيله احلي عيله وهفضل ادور عليك حتي لو خرجت من حياتي بس اشوفك واملي عيني منك فرحتك عندي يا قلب سهيله دنيا لوحدها حتي لو مش انا فيها.. انسعد وانسي انسعد وافرح ولا يوم تتوجع الحمد لله يا رب انه هينسعد وينسي. بس ولا عمري هنسي لأنك نفسي االي بتنفسه يا روح سهيله لتغلق الرساله وتنتحب لتدخل امها وتحتضنها.
لتتنهد امها بتعب معلش يا قلب امك معلش هتنحل يوم صدقيني انا عارفه هيجي يوم وتنسعد انت تستحقي وهو هيرجع.
لتنتحب سهيله.. بحبه اوي يا ماما هموت وموجوعه مش قادره.
لتحتضنها امها.. معلش يا قلب امك اقول ايه منه لله البعيد مايعرف يكسب ولا يفرح كريم ابن عاصم.. لتظل تهدئها حتي سمعت جرس الباب لتربت عليها وتقوم وتغلق الباب وتذهب لتفتح الباب لتجد كريم يقف عالباب ليهتف ازيك يا طنط امينه.
لتهتف... بخير طول مانت بعيد يابن عاصم
ليقطب كريم جبينه.. ايه يا طنط فيه ايه
لترفع امينه يدها وتصفعه بقوه علي وجهه ليرتد قليلا ويهتف انت جرالك حاجه بتضربيني
لتهتف واديك بالجزمه كمان يازباله ياللي بتنهش في لحمك وما كفكش اللي عملته زمان يابن عاصم.
ليبهت ويعرف ان سهيله حكت لها ليغتاظ ويهتف... هيا الهانم قالتلك طب مش تتكسف
لتهتف امينه... تتكسف من ايه بنتي انضف منك و َمن صنفك.
ليضحك ويهتف... ايه هيا لفتك انت كمان الهانم انا قافشها في العربيه البيه نازل تحضين وتفعيص والكل بيقول انها ضاربه عرفي.
لتبهت امينه وتحس بوجع في قلبها لتصرخ اخرس يا زباله بنتي انا.
ليصرخ هو... ايوه بنتك والبيه لما شافنا مع بعض ضربني وقال كتير قال انها بتاعته يعني ايه بتاعته يا مرات عمي ماتشوفي تربيتك الزباله بتتحضن في العربيات حتي انا كت هسترها الله اعلم البيه كان هيعمل ايه.
لتصرخ هيا وتتهالك اسكت منك لله اسكت. ليصرخ... لا مش هسكت وهفضحها مش انا اللي تعمل عليا شريفه والبيه يفعص براحته مش انا اللي حفيت سنين تسامحني وهيا مدوراها كان صراخه قد وصل لسهيله لتخرج وتندفع لتجد امها تمسك قلبها ومتهالكه وهو يصرخ بقذاراته لتنظر اليه بغل ولك عين يا زباله تيجي لتنقض عليه وهو يتفاداها وبدا يتشاجران وهو يسبها في شرفها وهيا تهجم عليه ليسمعا صرخه مدويه لتستدير لتتفجأة مما رات ويهوي قلبها في مكانها عندما...
بارت طويل اهو عايزة تفاعل وشير من ناااااار😘😘
بقلمي ميفو السلطان