الـرقطاء وكراتها الثلاث

اللـدغه الثالثه🐍

-انتممم شتردون من عدنا ماعدكم غيره ولانخوه جاي اكللكم اخوي بالمستشفى ماعرف اذا عايش واذا ميتت

واحد من عدهم طلع سلاح ورمه يونس من فوك لجوه اندار لصديقه وضربه طلقه وكعت بچتفه سمعوا صوت مال سيارات ركبوا سيارتهم وانهزموا

يونس توفى بسبب الرصاص اللي تارس جسمه بَــس صديقه فلاح گدر يعيش

والصدمه الچبيره چانت لرياض ابنه الچبير وصاحبه واكثر شخص يعزه ويحبه بهاي الدنيا راح ومايعرف شِــنو السبب ومنو هــوَ اللي غدره

الناس گالولهم مسلبچيه وناس يكولون ثار وضاعت عليهم السالفه صديقه فلاح عاش بَــس حالته بعدها خطره وبالمستشفى نايم

ومن طلع من المستشفى يسألونه منو هــيچ سوه بيكم ميحچي مصدوم وصارت بيه حاله نفسيه ومن ضغطوا عليه گاللهم ماشفتهم ملثمين چانوا

نذير طول ايام الفاتحه هناك يرجع من دوامه ويروح للفاتحه وحالة اهل يونس حاله من خلصت الفاتحه نذير بعــد نفسه عن بيت اهله لأن ابوه متضايق من وجوده ويخاف يتعاركون وهو ماله خلك مشاكل

بقه يم مرته وبنته اللي يوم عن يوم دتكبر وتصير احلى كل ماتكبر مرت خمس اشهر وبهاي الخمسة اشهر يوميه يتعارك ويه زوجته خوله لأنها چانت وكحه وصلفه بنفس الوقت

ومره جانو متعاركين اجته خوله تبچي وتبوس بيه وتتوسل