ဒီလူကိုဆက်ချစ်နေတာဟာ မှန်ရဲ့လားဆိုတဲ့အသိဟာ အခုတစ်လောမှာ ခဏခဏဝင်မိတယ်။
သူ့အချစ်က ရှေ့ဆက်တိုးလို့မရတဲ့နေရာကနေ ရပ်တန့်နေခဲ့ရင်း တစ်ဝဲလည်လည်ဖြစ်နေခဲ့တာ..
အကိုက သူ့ဆီကိုရောက်ရောက်လာပြီး ဒီအတွေးတွေကို အမြဲအတည်ပြုပေးနေသလိုပဲ..
ငါမင်းကို မချစ်နိုင်ပါဘူးဆိုတဲ့အကြောင်းကို အကြိမ်ကြိမ်သတိလာပေးနေသလိုပဲ....သူ ခပ်ဖျော့ဖျော့ပြုံးလိုက်ပြီး..
"အထက်တန်းပြီးရင်တော့ ရည်းစားထားလို့ရပြီမလား... မပြောနိုင်ဘူး... တက္ကသိုလ်ရောက်ရင် ကျွန်တော် အရမ်းချစ်ရတဲ့သူနဲ့ထပ်ဆုံပြီး ချစ်သူဖြစ်ရင်ဖြစ်မှာပေါ့... "
အကိုက ဘာမှပြန်မဖြေ...
သူ့ကိုကြည့်နေရင်းကနေ မျက်နှာပြန်လွဲသွားပြီး မတ်တပ်ထရပ်တယ်။"ပြန်ကြတာပေါ့.."
ပြောပြီးတာနဲ့ ခြေလှမ်းကျဲတွေလှမ်းလို့ အရင်ထွက်သွားတယ်။
တကယ်ပါပဲ... ဒီလူ့စိတ်ချည်းပဲ...ဒီလူအတွေးထဲမှာဘာရှိလဲ လုံးဝခန့်မှန်းလို့မရဘူး...
သူ့အပေါ် ဘယ်လိုခံစားချက်မျိုးရှိတယ်ဆိုတာလည်း မသိဘူး...
အကိုက တကယ်ကိုနားလည်ရခက်တယ်။
မေးခွန်းထုတ်လို့လည်း ရေရေရာရာဖြေမဲ့လူစားမျိုးမဟုတ်ပြန်ဘူး...သက်ပြင်းချလို့ နောက်ကနေ ခပ်ဖြေးဖြေးပဲလိုက်တော့ ရပ်စောင့်နေရှာပါတယ်။
ဘောင်းဘီအိပ်ကပ်ထဲက သစ်ရွက်ကလေးကိုစမ်းလို့ အတွေးတစ်ခုကို ဆန္ဒပြုမိတယ်။
အမြဲတမ်း သူ့ကို ဒီလိုမျိုးရပ်စောင့်နေပေးရင်ကောင်းမှာပဲ...------------------------------------
အားလပ်ရက်တဲ့...
ခရီးဆောင်ကျောပိုးအိတ်ကို သေချာလွယ်လို့ မနက်စောစောမှာ ကျောင်းရှေ့ကိုအရောက်လာခဲ့တယ်။
"ဝမ်ရိပေါ်.. ငါတို့ဒီမှာ.."
ရှင်းယီရော ချိုးဟွာပါရောက်နေကြပြီဖြစ်ပြီး အတန်းထဲက လူတော်တော်များများလည်း စုံနေကြပြီ...
ခရီသွားကားလည်း အဆင်သင့်ရပ်စောင့်နေပြီးသား..."မလာတော့ဘူးလားလို့ စိတ်ပူသွားတာပဲ... ကားထွက်တော့မှာ တက်ရအောင်..."
YOU ARE READING
နေသာတဲ့နေ့တွေမှာဆို ခင်ဗျားကိုနမ်းချင်တယ် [Completed]
Romanceနေရာတိုင်းက အေးခဲနေရင်တောင် ခင်ဗျားနဲ့ပတ်သတ်တဲ့ ကျွန်တော့နှလုံးသားကတော့ အမြဲတမ်းနွေဦးရပ်ဝန်းပဲဗျ.... ေနရာတိုင္းက ေအးခဲေနရင္ေတာင္ ခင္ဗ်ားနဲ႕ပတ္သတ္တဲ့ ကြၽန္ေတာ့ႏွလုံးသားကေတာ့ အၿမဲတမ္းေႏြဦးရပ္ဝန္းပဲဗ်....
ep. 14
Start from the beginning