افتراضي رد: روايتي الثانية : تحمل جنوني وضمني حيل لصدرك / كاملة
أبو احمد: باقي يومين على الزواج
موضي: ادري ما يحتاج.. < وجات بتقوم وبتطلع غرفتها
سمعت نواف يكلم ابوه
يبه الحمدلله أنا لما سافرت رجعت بصفقه قويه وربحت منها فلوس وكبر المشروع حقي ممم حبيت اسوي شركه باسمك وتكون هديه مني لك
موضي وقفت انصدمت من الكلام الي تسمعه يعني بترجع لهم الفلوس بس الي انصدمت منه اكثر.~
أبو احمد: لا وانا ابوك خلاص مالي بالشغل ووجع الراس خلني ابسط عمري الي بقى منه
موضي الي كانت بتطلع الدرج لفت ناحيته: وش قصدك تبسط عمرك الي بقى منه
ايو احمد مطنشها ويكمل كلامه: وش رايك تخلي الشركه بأسم احمد ترى هالولد يستاهل بدل شغلته بشركه أبو باسل
.. وعلى هالسيره رن جوال ريوف.. ريوف وقفت وبتمشي بعيد عنهم
نواف: اكيد حبيب القلب هههههه
ريوف بضحكه: مالك دخل .. . < وردت على جوالها وهي تبعد عنهم
زيآد: هلآ حبيبتي
ريوف بصوت وآصل للهمس: أهلين
زيآد بابتسامه: ذآ كله حيآ ارفعي صوتك ترى اذني حمرت من كثر ماني ضاغط الجوال عليها عشان اسمعك
ريوف رفعت صوتها: زين كذا..~
زياد: ايه تصدقين وحشتيني خليني اجي اليوم عندك.~
ريوف: احلم ما باقي الا يومين المفروض ماتكلمني
زياد: تبيني اموت
ريوف: هههههه
زياد: فديت هالضحكه..يعني تبيني اموت عشان كذا تضحكين..~
ريوف ببتسامه حلوه: أنا قلت بسم الله عليكم من الموت بس انت ما سمعتني .. < وانسحب الجوال منها
زياد ابتسم: حبيبتي وين تبين تروحين شهر العسل أنا حجزت على ماليزيا يمدحون فيها
نواف وهو ينعم صوت: حبيبي الي تششوفه
زياد: الله ياخذك انت وش طلعك لي
نواف: هههههههههه لا بس حبيت اقلك لعد تتصل على هالرقم . شوف كيف قلبت وجهه اختي طماطم
زياد: وانت وش دخلك ياخي .. الله يسلط عليك أنا بفهم مين داعي علي مافي مكالمه تمر والا مسمعني صوتك
نواف: اقول لا يكثر انت وهالوجهه ولا تتصل خلاص ماباقي شي على الزواج
زياد عصب منه وقفل الخط بوجهه
نواف وهو يمد لها الجوال: ههههههههههههه الله يعينك على هالمسطول
ريوف وهي تاخذ منه الجوال: ويعينك على المسطوله الي عندك..~ < ومشيت عنه
نواف رفع صوته عشان يسمعها: عاد مسطولتي تسواك انتي وزياد
ريوف وهي تاشر بصبعها: حدك عاد وعن الغلط مو عشاني بنت تستقوى علي هههههههه
*
*
.. يوم زواج زياد وريوف..
ساره: الا هو كم عمره .!؟
ريوف جالسه والكوفيرا جالسه تسوي لها شعرها: 26 نفس عمر نواف
ساره: اها عنده اخوان واخوات
ريوف: عنده اخت وحده بس ومتزوجه
ساره: اها يختي الله يوفقك ويسسعدك يارب
ريوف ببتسامه: امين
ساره: ياختي أنا مره شايله هم فين احط وتين مقدر اشيلها طول الوقت في الزواج
ريوف: غلا فين حطت بناتها
ساره: مدري ماسالتها وبعدين بناتها ماشالله كبار مو مثلي
ريوف: مدري خليها شوي معاكي شوي مع عمتي سعاد .. الا ماسمعتي اخر خبر
ساره بحماس: ايش .. ايوه حتى أنا عندي لك خبر..
ريوف: قولي حقك اول..
ساره: حبيبي نواف سوا لي قاعه يعني القى محاضرات وكيذا بس أنا فكرت اني اساعد الناس عن ترك الاغاني وكيف يشتاقوا للجنه ويتحمسوا لعمل الخير..يعني اغلب الناس تعرف انه الاغاني حرام وتسمع بس ان شالله أنا راح اساعدهم
ريوف بحماس: حلو والله وانا اول وحده اتسجل عندك متى راح تبدئين
ساره: ان شالله قريب بس خلي شوي هالوتين تكبر عشان افضى .. . < الكوفيرا الي كانت تسوي لريوف: ممكن أنا كمان اتسجل ودي من زماان اترك الاغاني بس ما قدرت
ساره ببتسامه: اكيد
الكوفيرا: خلاص بعطيك رقمي وقت ما بدئتي اتصلي عليا وقوليلي .. برسوم اشتراك ولا مجاني
ساره: لا حبيبتي بدون اشتراك ورسوم مسويته مجاني على قولتك والي حاب يدخل حياه . (وهي تلف ناحية ريوف) ايوه ايش هوا الخبر حقك..!؟
ريوف: قربي اذنك اقلك .. < ما تبغى الكوفيرا تسمع
ساره وهي تقرب ناحية ريوف وتعطيها اذنها: ها
ريوف بهمس: مستشاره ابليس راح تطلق من بابا
ساره وخرت عنها وهي تشهق: كذابه.~
ريوف ببتسامه: والله ماكذب عليك
ساره: اعوذ بالله منك وليش فرحانه
ريوف: مدري مو بكيفي هههههه
ساره: اللهم لاتقسي قلوبنا ايش من قلب عندك (وهي تذكر شي) الا على طاري امك اختها كيفها..~؟
ريوف: والله على ماهي عليه بالغيبوبه
ساره: تصدقي اول مره احس اني غبيه.~
ريوف بستغراب: لييه.!؟
ساره: مادري يعني كيف ضحكت عليا رنا أنا صدقتها وخلاص ماحطيت في بالي انها حاطه عينها على زوجي يعني خلاص لما قلتي لي انها تعتبره مثل اخوها صدقت.~
ريوف: خلاص يا ستي الله يرحمها وش نقول عاد
ساره: خلاص صدر الحكم عليها.~
ريوف: ايه من امس ماشفتي كيف مستشاره ابليس تقولي جنت تضحك مره وتبكي مره
ساره: الله يكون بعونها اختها وبنت اختها مره وحده
ريوف: ياختي وش علينا خلنا ننبسط.~.
ساره: ياختي بفهم ايش من قلب عندك.~؟!
ريوف: مثل الي عندك بس بجد ما احس باي شعور اتجاهم كأني ما عرفهم . >_<
ساره: ولو طيب نفرض انك ما تعرفيهم ماتحسين بحزن
ريوف: لا والله يستاهلون. < ×_×
ساره: آآآآخ ياربي ودي اموتك الله يعين زياد عليك
ريوف: ههههه اقول قومي اجهزي الساعه الحين ثمنيه وونص
ساره: جاهزه بس باقي الفستان
ريوف: مكياجك مره عجبني
ساره وهي تطالع بالمرايا: بالله
ريوف: ايه حتى التسريحه حلوه
ساره وهي تطالعها: ياختي قولي كلي على بعضي حلو وريحي عمرك هههه .. أنا بنزل تحت اشوفهم وش سوا
*
نزلت تحت شافتهم جاهزين بس باقي امها كانت تسوي التسريحه
ساره: وش هالحلاوه غلاوي
غلا تسبل عيونها: قولي ماشالله لا تحسديني
ساره: لا تخافي عيني بارده هههههه .. الا وين موضي..؟!
غلا: قبل شوي طلعت فوق تلبس فستانها . وانتي ليش مالبستي
ساره: دحين بطلع البس بس بشوفكم جهزتوا ولا لاء
غلا: خليك اقعدي شفينا كلنا لابسين
ساره: بس انتبهي محمد لايشوف هالشياكه الا لما ترجعي من الزواج صدقيني بيمنعك تروحي الفرح عشان الي بالي بالك..< وغمزت لها
غلا: هههههههههه اقول وخري عني قليله ادب
ساره (وهي تروح ناحيه الدرج): ههههههه كفيك هذي نصيحه لوجهه الله وقلتها لك هههههه..~
*آجتمع الكل بالقاعه عشان يبارك للعروسين*
ويهنيهم بزواجهم ويدعوا لهم وقامت المطربه تغني اغاني والبعض قام يرقص ومنهم والبعض اكتفي انه يتفرج وفي منهم الي من لما دخل الين طلع وهو بغطرف مبسوط بهاليوم
بعد ماصورتهم المصوره تم زفه ريوف و زياد وتم الزواج على خير وراحوا لعش الزوجيه بعد ما ودعوا الكل
..
زياد وهو واقف قدامها وببتسامه: بتذبحيني انتي وهالحيا الي فيك أنا زوجك افهمي وش تستحين مننه..
ريوف جالسه على طرف السرير ومنزله راسها: ومين قلك اني مستحيه . >_<
زياد: هههه لا والله الجرائه مقطعتك اعذرينا
ريوف طالعت فيه مستغربه من كلامه
زياد حنى لها وباس راسها: أنا بطلع شوي وانتي غيري ملابسك
ووقفه صوت جواله وهو يرن ورد بعد ماشاف المتصل: خير خير وش تبي ياخي خاف ربك لاحقني حتى هنا
نواف: لابس نسيت اقلك شوي شوي على اختى تراها تستحي
زياد قفل بوجهه بدون مايرد..(ولف ناحيتها) شكله اخوك بيموت على يدي هههههه
. مرت ليلتهم على خير وهو مازال يتحركش فيها عشان يوخر الخجل الي فيها.
*
. وبعد مافضيت القاعه الكل راح بيته.
ساره تحاول تدلع: نواف حبيبي بليز لاتردني
نواف الي كان مشغول بالاوراق الي بيده وبندفاع: نعم وش قلتي
ساره بفجعه حطيت يدها على صدرها: اعوذ بالله من الشيطان الرجيم بسم لله الرحمن الرحيم فجعتني
نواف: هههههههههه متقصد
ساره: ها ها
نواف وهو يرجع يناظر اوراقه: وش تبين
ساره: مدري نسيت مع انه كان شي مهم
نواف: هههههه
ساره: بس خلاص وش يضحك دحين
نواف قام وراح ناحيتها ومسك يدها وناظر عيونها: تصدقين انتي احلى شي بحياتي
ساره: وانت تعبني بحياتي وشاقيني ايش مسوي فيني
نواف ببتسامه وهو معقد حواجبه: لييه وش مسوي فيك.!؟
ساره بادلته ببتسامه احل: كل الي احس فيه ماودي افارقك
نواف قرب لناحيتها وباسها على راسها : ايه ادري انك جالسه تقولين كذا عشان ماتبي العقاب يتنفذ عليك
ساره بدلع: اووووه الحمدلله فهمت
نواف رجع يطالع عيونها: بعد تقوليها قدامي وش من جرائه عندك هههه
ساره: يعني مافي عقاب
نواف: الا في .. محد قلك تمسحين المكياج أنا كل مر ه اقلك لاتمسحيه وترجعين وما اشوف شي بوجهك
ساره: هههه صدقني عشان ارحمك
نواف بضحكه ضمها لصدره
.. وبداءت القصيده تردد بنص الليل عششان مسامع العشاق وتقول..
معليش تحمل جنوني تحمل غرامي ياعيوني
ماخابت فيك ظنوني والله أعشقك يافتوني
